|
(testo de Massimo - foto de Enrico, Massimo e Riego) - clichè su le foto per ingrandirle... come sempre -
Con le man in scarsela e con l'anda de un che sta pensando chissà a cossa, come un comune passante va James Joyce zito zito verso casa sua, passando pe'l ponte sul Canal Grande. El poeta Umberto Saba intanto, con passo deciso e con l'anda de un che se speta de un momento a l'altro un refolo de bora, el va zo per via San Nicolò verso quela che iera la sua libreria.
Da l'altra parte de la zità, un altro toco grosso de la nostra Trieste, passegia co'l suo far enigmatico per Piaza Hortis:xe Italo Svevo.
Ma spetacolo dei spetacoli xe el ritorno dei due pensionati comunali pi veci de Trieste, ossia Micheze e Jacheze, quei veri, originali che i iera entradi in servizio a mezogiorno del 14 genaio de un lontanissimo 1876 e dopo aver lavorà per zento ani i xe stai sostituidi dai cloni atuali, bon insoma se voler saver ben come che la xe 'ndada, legè la MIA storia de Piaza Grande. Per fortuna el Comun no se ga dimenticà de lori e ga deciso de restaurarli ma prima de farlo ecoli in mostra
Qualched'un intanto, ga ben pensà de romperghe i bisi al povero Saba portandoghe via la pipa ma anche se forsi quel bontempon ga pensà de dar l'esempio ricordando che el fumo fa mal, el povero vecio ghe xe restado mal. Per fortuna che i triestini che ghe vol ben se ga subito mosso per farlo contento.
per fortuna anche che noi de TuttoTrieste.net semo stai svelti e gavemo rivà a fotografarlo con la pipa (vedi la prima foto) anche perchè per evitar altri scherzi chissà se i ghe la rimeterà de novo, intanto, caro poeta, speremo che no te ne vadi in astinenza.
Trieste, novembre 2004 a cura de Massimo TuttoTrieste.net aggiornamento
|
)
)
)
)
)
)
)
)
)
)
)