El Mercadindio de TuttoTrieste.net


 





 

Eco la novità automobilistica per el prossimo ano: una machina rivoluzionaria, cabrio, dotada de tuti i confort, una utilitaria che se pol postegiar in qualunque buso meio che con una Smart. Se guida talmente facile che la podessi menar anche un fioluz. Vettura assolutamente ecologica a emissioni zero e rigorosamente senza oio de palma!




Vendo Ford Sierra Cosworth ultima serie, za preparada per gare de rally e competizioni de velocità. Carozeria rifata, fari al xeno, spoiler de gran figador, gome e cerci come novi. Usabile anche come trator, vendo a prezo interessante.





La novissima Fiat Tipo edizion del 2016




in oferta solo per i amici del MercaDindio a soli

novemilazinquezentozinquanta Euri chiavi in mano.

Completa de tuti i opscional e confort de la nova tecnologia automobilistica per el ritorno de una fantastica berlina Fiat.

MOVEVE, POCHI TOCHI, SERIE LIMITATA!!!



Te ga problemi de vista? No te vedi ben guidar de note, col sol forte o con la piova? Nissun problema, gavemo l'auto che fa per ti. Una Smart coi ociai, la vedi ela per ti tuto quel che xe de veder. BASTA coi opscional inutili, cicaline che fa casin e spie che se impiza in ogni momento, eco un opscional funzionale e senza precedenti. Te pol anche guidar e vardar el panorama o le babe in costume da Muja fin Sistiana, tanto la machina varda la strada per ti in qualunque momento.
Vien e prova l'auto coi ociai.




Vendo la prima vera machina tuta ecologica al zento-per-zento. Unico esemplare, no ocorio benzina per farla andar avanti, la fa bela figura in giardin o in corte, cussì podè risparmiar i soldi de l'afito del box. Disponibile anche un portapachi de doprar per meter piteri de gerani. El tubo de scarigo xe omologado per andar in centro perchè no'l buta fora smog ma fumenti al odor de mughetto.

Telefonar solo se interessadi.

 


 

Gente de meio per una estate calda e afosa che una bela machina cabrio, color rosso vivace, comoda, spaziosa e sopratuto cabrio. Motor pena taliandado, gome pena cambiade e finestrini pena lustrai. Basta con l'aria condizionata che va tanto de moda ma che fa solo che vignir el torcicolo, basta coi finestrini verti che fa girod'aria e ve se incrica le spale, questa xe la soluzion che fa per voi, una machina comoda per 'ndar sia per zità che al bagno e podè star tranquili perchè le seradure de le portiere xe talmente stagne che i ladri no i riverà mai a verzervela. Moveve prima che finissi l'estate, comprè 'sta machina che, come che diseva la publicità nei ani setanta, "vai con la Renaul 4 che ti divertirai, vai con la Renault 4 sempre dove vuoi" ... parole sante!


 

Te se ga sempre insognado de gaver un auto come che se devi, una machina de lusso che te lassi far el figo per zità, che te possi far el splendido coi muloni in frasca, che te permeti de ingrumar babe a capei. Eco la berlina che fa per ti, grande, lussuosa, cariga dei più moderni e sofisticadi opscional, ideale sia per 'ndar torzio che per nolegiarla come auto de cerimonia (cussì te pol ciapar un do fliche per la benza). Vendo MerDeCes come novo, pena taliandado e revisionado, bisogna solo far la convergenza perchè el tendi a 'ndar via de cul.

Telefonarghe e Toio Scartaza.



 

Eschimese vendi sportivissima Audi color bianco iazo, otima tenuta de strada sula neve e sopratuto sul iazo, ideale per setimane bianche ma perfeta anche per el periodo estivo perchè no ocori gnanche gaver l'aria condizionata, basta far atenzion a no postegiarla soto el sol senò dopo inveze de l'auto troverè un ploc'. De inverno podè partir subito anche se xe soto zero perchè no ocori, anzi no bisogna proprio scaldarla e no perderè gnanche tempo a gratar el vetro col ras'cin pe'l iazo.

 
 

do utilitaria de seconda man, usada poco e sempre tignuda in garaz, pratica per spostarse per zità ma comda anche per far viagi un cicinin più longhi, consuma poco, ve costa poco de assicurazion e de bolo e se gavè dita podè imatricolarla come autocaro cussì scarighè tuto. Con l’auto ve dago anche el set de valige coordinado e el scaldavivande de serie. Tratative riservade per questa picia, comoda, semplice, pratica utilitaria. Un povero nulatenente nulafacente.


 

Vendo raro model fuoristrada de Ferrari, un model che no ga nissun e che nissun sa gnanche che’l esisti. Motor potente de vera Ferrari se pol sia andar far gare in pista che esibirse per le clanze senza paura de rivinarla. Ideale per andar al mar e in montagna, col caldo e col fredo un’ocasion de no perder a soli 29000000000 Euri.
Telefonar Concessionaria Bidonazzi


 

ww.tuttotrieste.net


 

 

Antifurto satelitare per machina de lusso, registra ogni movimento sospeto fin a zinquezento metri intorno la vostra machina, segnala eventuali personagi sospeti con un segnal a ultrasuoni diretamente ai tubi che pol venir a verificar sul posto (sempre che le dò patulie che gira de note no sia za impegnade!), individua potenziali manigoldi con un potente ragio laser che gnanche goldreik no gaveva. Conforme ale normative CE, questa rara e sofistigada tecnologia poderà esser vostra telefonando ala Strafanic Autoricambi

www.tuttotrieste.net

Vendo Fiat Punto come nova, color grigio zenere, sempre tignuda in garaz, doprada pochissimo, la gaverà si e no dodisemila chilometri, senza vetri per far girar meio l’aria e senza lampadine per no consumar corente. La ga tuti i acessori imaginabili possibili, posso darve le cadene de neve, el portapachi e la pele de daino per netarla. Xe tuto vero solo che la me ga ciapà fogo ela con tuto el garaz ma no stemo vardar el pel.

Contatar Della Vita Stanko


 

La benzina costa cara? El prezo va sempre più su? No merita gnanche far l’agevolata? Te toca ‘ndar a far el pien in Jugo? Eco la risposta a tuti i tui problemi: el MercaDindio te invita a far el pien in tel novo distributor de Repentabor dove cortesia e eficenza xe el punto de forza. La vecia te impinirà el baul e intanto la te ofrirà un sluk de slivoviz e un bocon de parsuto carsolin. Inoltre no dimenticarte de ingrumar i punti, difati ogni diese litri te ciaperà tre punti e co te gaverà zinquemiladozento te gaverà dirito a ritirar el premio che consisti in tun piato de minestra de rave.


 

vendo 2 Fiat Tipo, una grigia e una bianca. la grigia xe come nova, la ga cerci in lega con gome magiorade per una perfeta tenuta de strada, scarigo direto.... la bianca inveze ga el climatizator, diese airbag, abs e altre robe ultratecnologiche!!! Tute do le ga el teto ribassado in modo che la sia più aerodinamiche! ciamar ore pasti.


 

 

A malincuor, solo per gaver parchegiado no tropo ben, volessi vender/ scambiar/ imprestar/ regalar, cosa so mi, sta benedeta Nissan che tanto la me ga fato divertir su e zo pei patok, che chi che la ciol penso che basta disincugnar i finestrini eletrici, una passada de sidol e po pronti. Nafta sicuro manca. Ciamar Franz.


 

 

Vendo (volessi vender!!) meravigliosa Y10 usada solo per cambiar oio sula Jeep. Color rosso rosseto, completa de arbre magique a la lavanda, cruscoto in radisa (kren) anca se lagrima i oci, candele nove pena ciolte in cesa, sedili ribaltai, cambio valute solo in dinari, pistoni optional su richiesta, volendo compreso nel prezo anca un cavaleto che la stia piu drita. Bisognosa solo de un poco de stuco e tanta pasiensa, oferta libera anca scambio con budei de bici visto che sbuso sempre. Telefonar Franz Byker



Originale Simca 1000 ani '70, in perfete condizioni, sempre tenuda in garage, no la ga mai ciapado la piova e la carozeria xe sempre stada regolarmenze inzerada per mantenir la lucenteza del color, gome nove cioè nel senso che le gome xe pena comprade no che ghe ne xe nove ghe ne xe quatro come in tuti i auti, vetri oscuradi, motor revisionado, bolin blu regolare, autoradio stile ani setanta con magnacassete de super 8, paraspruzi per no smerdar quei che sta dedrio, coprivolante in peluches e, acessorio insostituibile, portafoto con scrita "no sta corer, pensime!".

VENDO SOLO AD ESTIMATORE



www.tuttotrieste.net/mercadindio

VERO AFAR: Zastava 101 color gato mastruzà (causa intemperie invernali). Velocità max in salita km -1, su retilineo km 1, in zò km 350 (causa gome lisse), speceti in perfeto stato (da ritocar e cromar) co la ruzine che ziga fame! interni in pelle de galina e volante con pelicia de muss, km percorsi totali 10 (guidando) 750.000 (sburtando), marmita saldada coi venki e scarigo elaborado con tubo inocente (cistado in cantier), spoiler posteriore di stabilità in sina de treno. Retrosegnalatore di stop funzionante con dinamo de bicicleta. Copricercioni in lata de contenitor de capuzi. Dotada de airbag manuale ossia ghe xe sul cruscoto un balonzin che el safer ga de sufiar quando el se inacorzi de un iminente pericolo de s’cioca. PRATICAMENTE NUOVA vendo www.tuttotrieste.net/mercadindio


Peugeot 206 cabrio nova de paco, km zero, silenziosissima e ecologica (va a autoscarpa), super acessoriada: servofren, servosterzo, servodelagleba, antifurto, antistress, antibiotico, navigator satelitare con tute le piantine de l'apartamento, color grigio sorzo, gome de plastica, portiere saldade.

vero afar, vendo 18.000,00 Euro

www.tuttotrieste.net/mercadindio


originale Fiat 850 ani '60, bicolor, sportiva, atrezada per gare in salita, rally e velocità, tetucio apribile anzi sempre verto, dopio volante (tanto le riode sta ferme e la gira sempre in tondo basta pagar el bilieto al sior che dopo vien torno a ciorli). La vetura xe za targa oro ASI e ogni raduno auto storiche la vinzi el primo premio de beleza.

VERO AFFAR per apassionadi de auto d'epoca


 

 


 

 

| torna su | home Mercadindio |



"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin per TuttoTrieste.net

Tutti i diritti riservati - All rights reserved

 

credits:

Massimo Barbo

Alessandro Bonin

 

Franz Biker

Daniel Bukavec