El Mercadindio de TuttoTrieste.net






rubrica de consigli e proposte, una risposta per ogni tua question, la soluzion de tuti i tui problemi, l’analisi completa dei fati e dei misfati, ogni gropo sul suo petine


 

El problema de la Feriera de Servola




Comincemo subito con una roba che ghe sta sai a cuor ai triestini, una domanda che me ga impestà la posta: “ti MercaDindio, cossa te proponi per la Feriera de Servola?” … e a mi sto discorso me ingala, anzi me indindia. De boto me venissi de dir seremo tuto che la inquina tera, aria e mar, la xe bruta de veder, la sporca le straze messe sugar e la spuza, ma cuciandome un atimo a rifleter con la calma me vien un pensier triste: ma tuta quela gente che lavora la cossa farà? Ma come ve go dito el dindio no xe un polastro e gnanche un cocal e mi, el MercaDindio de nome e de fato ve darò la soluzion a ‘sto grosso problema; butè zo tuto, cavè via tuta quela feraza, netè, bonifichè, disinquinè insoma fequelchevolè fin che xe bel tuto neto e limpido. Po’ tirè su un bel parco acquatico dei divertimenti. Eh si cari i miei polastri, par una monada ma cussì no la xe. El saria in riva al mar, vizin al centro de una zità con grande vocazion turistica, un bel parco acquatico ghe starìa solo che ben e se proprio no se trova i soldi per butar zo la Feriera se pol netarla e riutilizzarla come che la stà per impicar scivoli, rampe, cascate e fontane e magari in ricordo de quela grossa industria che, no se pol negar, tanto ga fato per Trieste, se poderia ciamarlo Ferieraland. Ah si bisogna pensar anche a una mascott: se a Gardaland i ga Prezzamolo a Ferrieraland gavermeo Ruzinolo
Ciao polastri se bechemo la prossima.







 

scrivighe al Dindio, lui un consiglio te lo darà

mercadindio@tuttotrieste.net

 

eco i argomenti tratadi a dighelo al Dindio


"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin

Tutti i diritti riservati - All rights reserved