El Mercadindio de TuttoTrieste.net


rubrica de consigli e proposte, una risposta per ogni tua question, la soluzion de tuti i tui problemi, l’analisi completa dei fati e dei misfati, ogni gropo sul suo petine

 

Cossa che no se trova per le edicole!

Ciao a tuti miei polastri e mie bele polastre, son el vostro Dindio de fiducia, no un Dindio qualsiasi ma el meo, ossia el MercaDindio.

Volevo ciorghe un giornal a mia cognata che xe in ospedal ma ghe ne xe una marea e no savevo qual cior. Dime ti MercaDindio, qual te me consigli?” Ben, cara amica pollastra, senza ombra de dubio te digo subito de ciorghe la nostra, primo perché la xe piena de articoli interessanti, interviste divertenti e tante bele foto, secondo perché ghe son anche mi. Sto tuo problema però me fa pensar che in efeti ogi andar in edicola se ris’cia de perderse in mar de carta. Giornai, settimanali e mensili xe sempre stadi tanti da quando esisti le edicole e anche se col passar dei ani i giornai xe aumentadi de numero, cussì come le riviste, xe anche vero che le edicole se ga impinì de tanti de quei strafanici che speso par la bottega de un strassariol. Costruissite el tuo modelin de la 600 Abarth, ogni stimana un toco per setezento stimane a solo 9 Euro e 90!!! E cussì modei de Ferari, Alfete, licoteri, rioplani, e desso anche tratori. Ma no basta: Costruissi el tuo scheletro, o ancora meio, costruissi el tuo dinosauro a grandezza naturale, ustia e dove lo meto?  Coleziona le tue scatole de lata, Coleziona tute le puntate de Ufo Robot, Coleziona tuti i biceri de bira, coleziona tuti e cortei de macellaio. Secondo mi faria sai suceso anche una colezion de scarpe de baba, una serie de videocassette de tuti i telegiornai de Telequatro, e una racolta de tute le monade dite dai nostri politici in campagna eletorale. Insoma ogi i baldacchini de le edicole xe coverti de strafanici, de robe impicade che xe tuto meno che giornai, de pupoloti, machinine, giogatoli e adiritura bacoli, si bacoli xe anche un inseto in una rivista ogni quindixe giorni. Ma quela che me interessa a mi ancora no i la ga fata, la colezion più interessante che speto con ansia ancora in edicola no la trovo: coleziona la tua pollastra, ogni stimana una diversa, more, bionde e rosse, italiane, slovene, francesi, svedesi e de tuto el mondo.” Ve prego editori, FELA, ve la compro mi!

!

Ciao polastri se bechemo la prossima.
 

scrivighe al Dindio, lui un consiglio te lo darà

mercadindio@tuttotrieste.net

 

eco i argomenti tratadi a dighelo al Dindio

 

 

 

 

"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin

Tutti i diritti riservati - All rights reserved