|
rubrica de consigli e proposte, una risposta per ogni tua question, la soluzion de tuti i tui problemi, l’analisi completa dei fati e dei misfati, ogni gropo sul suo petine
La note de Alouin
"Grande festa per la
note de le streghe..."; "Spetacolo spetando che rivi Alouin...", "zena
fin mezanote che riva Alouin...", “tuti in maschera per la festa de
Alouin”… questi e tanti altri ancora xe i slogan sui manifesti de
ristoranti e sale de balo per tuti quei che vol passar la notolada de
Alouin! Solo una roba mi me domando e digo: de quando a Trieste se
festegia Alouin? No iera sempre e solo la festa dei Santi e el giorno
dei morti? Cussì me par che dovessi esser in tela tradizion triestina ma
oramai de ani semo diventai tuti 'mericani e festegemo Alouin. Si perchè,
pareria, che quela note rivi le strighe malignaze a farne dispeti e a
portarne malegrazie, col capel de paia e quatro denti in boca e forsi
anche col fià che ghe spuza de sorzo morto. Son dacordo ma la stessa
roba ghe xe sempre stada e i nostri noni pol contarnelo.
Ciao polatri, bona festa dei Santi e Bon San Giusto! . scrivighe al Dindio, lui un consiglio te lo darà
eco i argomenti tratadi a dighelo al Dindio
"El MercaDindio" è un copyright di TuttoTrieste.net di Massimo Barbo Il disegno del MercaDindio è stato realizzato da Alessandro Bonin Tutti i diritti riservati - All rights reserved
|
Po
ghe xe le zuche e sicome che tuto el mondo xe paese e le zuche con le
candele dentro te le trovi sia in tele feste americane che in quele
nostrane, ghe xe quel fassino linguistico che te fa più bel ciamar la
festa in american: Alouin apunto! Purtropo coi ani che passa a forza de
ciamrla Alouin anderà a finir che no se ricorderà più nissun le origini
de stà antica tradizion popolare e penseremo che sia una festa importada
de l'America pervia che se varda sai telefilm 'mericani. Quanti de noi
ga avudo la fortuna de poder scoltar i discorsi de nona che ne spiegava
i picoli rituai per mandar via i kudici e tuti i spiriti cativi e poder
star in pase un altro ano? Quanti ga sentì de la vecia zia che
via i demoni e le streghe rivava el più bel giorno de tuto l'ano ossia
quel dela festa de tuti i Santi? Xe sempre stada anche in tela tradizion
triestina stà usanza de voler mandar via la malagrazia per poder sperar
in t'una anada de prosperità. Storie antiche, usanze de una volta,
tradizioni nostrane che va perdendose e tuto per voler far come i
americani, un poco come i blu-gins cussì bel ciamarli per inglese che
nissun se ricorda che i xe stai inventadi a Genova. E qua alora mi me
farìa a una polemica che xe sai per boca de tuti in sti ultimi ani, per
invitar chi che dirigi a spender un pochi de soldi per impararghe ai
fioi le vece tradizioni triestine, le usanze antiche, le feste nostrane
senza perder tempo a discuter se xe giusto o sbaliado impararghe el
furlan o el triestin. E intanto che spetemo che torni una ventada, anzi
meio ancora un bel refolo de bora, de cultura “domacia”, speremo che per
voler far tute le robe come i ‘mericani un giorno no se inscominzi a
ciapar el bruto vizio de festegiar anche qua de noi el giorno del
Ringraziamento, con quela malignaza usanza de magnar dindio rosto in
forno, perchè senò, polastri miei, go finì de viver!