|
rubrica de consigli e proposte, una risposta per ogni tua question, la soluzion de tuti i tui problemi, l’analisi completa dei fati e dei misfati, ogni gropo sul suo petine
La Pasqua dei agnei
Dopo che pantigane,
caprioi, sardoni, cinghiai e adiritura una balena xe saltai ai onori
dela cronaca, ghe xe una bestia che ciapa una certa importanza soto
Pasqua e, credeme, fossi per ela no ghe interessasi proprio esser cussì
importante; stago oviamente parlando del’agnel. Povero, picio, bianco e
batufoloso come el bombaso che’l ispira tanta simpatia, altro nol fa che
finir in forno per esser presentà sule tole de tuto el mondo. De sicuro
tuti i agnei del mondo preferiria esser famosi per altri motivi che no
per Pasqua, magari che saria stai i agnei a vignri fora dei boschi per
‘ndar magar in zità, magari che saria stà un agnelin a farse becar che’l
nudava in mezo al golfo, che bel che saria stado leger de un agnel che
la ga molada sul marciapie e che dopo el xe filà via senza che el paron
se cuciassi per tirar su el drek.
E con questa bela notizia el MercaDindio ve saluda e ve augura Bona Pasqua e Boni Ovi!
scrivighe al Dindio, lui un consiglio te lo darà
eco i argomenti tratadi a dighelo al Dindio
"El MercaDindio" è un copyright di TuttoTrieste.net di Massimo Barbo Il disegno del MercaDindio è stato realizzato da Alessandro Bonin Tutti i diritti riservati - All rights reserved
|
E
inveze no, solo soto Pasqua xe el suo momento, con la strage de bestie
che se consuma pe’l mondo. Un poco mi li capisso perchè el stesso
problema lo gavemo noi dindi in America co xe la festa del
Ringraziamento e credeme che sconderse per no farse ciapar xe veramente
un patimento. Ma dato che per forza ghe toca esser i protagonisti
pasquali, stò ano i se ga organizà per far si che anche de lori se parli
in tun altro momento, come dir “fora stagion”, e per no lassarse magnar,
i se ga organizà de darghela prima del tempo ciapandose una qualche
epidemia che li ga sterminadi. Oviamente la cronaca umana parlava dela
preocupazion dei alevamenti de ovini che se trovava stà morìa proprio
soto Pasqua inveze giornai come el Corriere dela Cavra, el Picolo Grege
e la Stala, che la vedi soto un altro punto de vista, parlava de strage
epidemica per le campagne tra i amici agnei. Notevole l’impegno de stè
bestie che gà rivà guadagnarse le prime pagine co no ghe tocava lore
anche se ghe toca esser in prima pagina solo co se parla de disgrazie.
Ma tuto questo ghe diolerà sopratuto ale scarsele dela gente che, vista
la morìa de ste bestie, se svoderà più del normale per rivar a ciapar
quei pochi tochi de agnei sani in circolazion scampai a l’epidemai.
Pasqua xe ale porte e quel che xe fato xe fato, quindi posso anche
contarve le robe come che le stà. Sto ano i angei me ga domandà a mi
come far per scampar ala matanza e la mia idea xe stada quela de
sugerirghe de far finta de star mal come che i gavessi ciapado una
qualche strana e rara malatia, po una volta passà el veterinario, ghe go
dito de farse tuti un giro del brivez per darse una sistemada e dopo un
breve corso de cagnesco i se ga messo a far bau bau, cussì inveze de
finir in forno, stò ano i xe finidi tuti a farghe compagnia a babe e
fioi come pici, cocoli barboncini.