El Mercadindio de TuttoTrieste.net


rubrica de consigli e proposte, una risposta per ogni tua question, la soluzion de tuti i tui problemi, l’analisi completa dei fati e dei misfati, ogni gropo sul suo petine

 

Saldi coi nostri soldi!

Saldi de fine stagion, saldi del diese, vinti e anche zinquanta per cento su tuti i capi disponibili! - Si, questi xe i slogan che ne tempesta la mente ogni periodo dei saldi e noi pronti con le fliche in man per corer in botega a far l'afaron. Tanti polastri ga spetado i saldi per comprarse de vestir, corendo svelti subito i primi giorni per no ris'ciar de no trovar più la talia o el numero giusto. Con la crisi che tien in pugno i nostri giorni, tanti polastri, forsi più del solito, gaverà spetado con ansia i saldi per far acquisti de robe che ghe ocoreva e no per sfizio giusto per profitar che costa meno de comprar roba che prima o poi pol servir. La mia speranza xe sempre che co riva i saldi sia saldi veri, sia ocasioni sia per chi compra che per chi vendi e che sia veramente un sconto sul prezo de vendita che se vedeva giorni prima. Eh si, perchè no tuti ga el vizio o l'abitudine de vardar vetrine e controlar prezi, cussì co se va a cior una camisa o un per de papuze in saldo se spera sempre de ver pagà un poco meno de quel che se gavessi pagado do mesi prima.

Ma xe chi con la scusa dei saldi paga de più de quel che i gavessi pagado comprando a prezo pien perchè compagnadi dale polastre atente a l'afar. "Za che xe el vinti perzento de sconto compra do tochi" ghe disi la polastra sgaia al tontolon del suo polastro che subito ciapa la bala e solo dopo do o tre giorni el se inacorzi che quel che costava zento lo ga pagà zentosessanta visto che el ga ciolto do tochi!

Ciao polastri, bone spese a tuti!

.

 

scrivighe al Dindio, lui un consiglio te lo darà

mercadindio@tuttotrieste.net

 

eco i argomenti tratadi a dighelo al Dindio

 

 

 

 

"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin

Tutti i diritti riservati - All rights reserved