| Home | Lista monade |

 

 

due cocole putele che lavora in t'una botega de intimo per baba (ossia le vendi mudande, regipeti, pigiami e costumi de bagno) de Trieste,  le ga avudo la fantastica idea de ingrumar su de un quaderno tute le richieste ufo che le ga sentì dir dei clienti.

Xe nata cussì una mitica racolta de monade che le ga voludo ofrirghe a TuttoTrieste.net

dove le monade xe de casa!

Per ovi motivi se conserva l'anonimato dele comesse, dela botega e anche dei clienti

 

ATENZION: XE TUTA ROBA VERA!!!

BON DIVERTIMENTO!!!

 

 

La scusi, tigni i regipeti de la "Cotton Fiocc"

(tipo che i te neta le orece co te li ga indosso????

 

- Volessi una mudanda de omo

- Che taglia signora?

- No so, so che el ga 42 de circonferenza de colo

 

Volessi un regipeto che se sapi mantinir da solo!!!!!
(tipo che gabi un lavor????)

Volevi una mudanda tecno!!!!
(forsi parlemo de quelle in tessuto tecnico?)

Gavè le calze con la graduatoria?
(a compressione graduata)

Volesi una culatina!
(una coulotte?)

Al telefono:"Buongiorno parlo con i costumi?"
 

Cliente: - Volessi che la me cambi stè quatro mudande

Commessa: - Veramente qui ce ne sono tre, signora!

Cliente: - La go indosso, la lavo e ghe la porto...

 

La scusi, gavè quele maiete antitraspiranti...?

 

Varda ti che prezi che gavé... gastronomici!

 

Stò regipeto ga proprio una bela abitabilità...

 

La scusi signorina, la ga una maieta de meter sotopele?  (...una flebo [ndr])

 

Volessi un costume de bagno "civilizado"...

 

La scusi, su l'eticheta xe scrito "girocollo in cotone" ma xe solo el girocolo in coton?

 

La scusi, dove xe el rion de le robe sportive...

 

Gavé le maie de soto "termali"?  [sarà termiche?!?!?]

 

Gavé per meter in casa una tuta igienica?

 

Cliente: - Cossa no la ga qualche altro triangolo de farme provar?

Commessa: - Signora, la vardi, xe restà solo quel de la mia machina!

 

La scusi, posso farghe una domanda buz...?

 

Cliente: - Ghe lasso un aconto e passo a ciorlo domani

Commessa: - Ve bene, la lo trova in cassa centrale

Cliente: - In posta centrale???

Commessa: - No, alla cassa centrale, possibilmente entro un mese!

Cliente: - Perchè tra un mese?

Commessa: - ENTRO un mese!

Cliente: - Ahhh... ok, vegno qua de lei a ritiralo!

Commessa: - NOOOOOO ALLA CASSAAAAA....!!!

 

Per telefono:

Cliente: - Pronto, bonasera, qua Debegnac volessi saver se xe pronta la mia prova.

Commessa: - Per quando doveva esser pronto el capo in prova?

Cliente: - Beh, la me devi dir lei se xe pronta, no?

Commessa:- Scusi, ma non ho niente con questo nome.

Cliente: - Se ghe digo Debegnac.... ma la scusi no xe la Salus?

 

 

Gevé i collant de BOMBONI ? (Sarebbe Bombana)

Signora "fine": Giungendo in questo reparto approfitto per domandarle se avete dei Slip "aggiuntivi" da "aggiungere" ad un regalo che ho già "aggiunto" ad un altro regalo,se non va bene eventualmente torna e "aggiunge dei soldi"!!

Avete dei colllant corti alla caviglia?

L'altro ano go comprà un costume de bagno "impestonado" de piere......

Gavesi un buono de scalar..........
(commessa): Volentieri signora, è un buono di reso o un buono regalo?
Ma veramente xè un buono pasto......se pol? Go visto quele braghe in veranda!

 

Xe tanta diferenza de color fra el nero e el verde?

 

Vorrei il corrispondente della taglia giapponese n.60

 

Ste calze in man me "brusa"!!!

www.tuttotrieste.net

Con sto tessudo indosso ciapo fogo come una cica!

 

La scusi... volessi un pigiama... ma le braghe devo ciorle per forza o posso lassarle qua?

 

- Bongiorno, volessi un BODO!

- Un body?

- No, voio solo uno!

 

Preferisso el rosa color GINGIVA!

 

Volessi dele calze color SORZO!

 

- Volessi una canotiera!

- Che taglia signora?

- No so.... terza o quarta, dipendi dala FATTORIA!

 

Gavè anche i regiseni con el liquido refrigerante per star fresche d'estate?

 

Volessi una maia de sotto de coton FELPATIZZADO

 

La scolti ben signorina: volessi una tuta o pigiama o camisa de note, la vedi lei, coi botoni sula schena, che no se possi tirar via facile. perchè mia molie de note se spoia...

 

La ga i slip ELETTRONICI? (....che sia quei a taio laser?)

 

Volessi una calza nera ma naturale!

 

Volessi un regipeto efeto PUSCIANTE!

www.tuttotrieste.net

La ga quei regiseni de ZAINO IN SPALA?

 

La scusi, la ga i acapatoi IMPERMEABILI?

 

Volessi un per de collant a rede ma che sia velate!

 

La ga un costume de bagno specifico per andar a Parenzo?

 

La ga un regipeto senza MANICHETTI?

 

Volessi un per de collant che gabi un bel color "pizzicante"! (???)

 

La ga un per de collant in stoffa?

www.tuttotrieste.net

La scusi signorina, la podessi provarse lei sto reggiseno che mi no go voia de spoiarme?

 

Volessi un regipeto che me scondi la panza!

 

Gavè forsi pigiami o camise de note che tien su le tete?

 

Se mi me meto el perizoma rido tuto el giorno, cossa lei no?

 

Questa talia 5 me xe tropo picia, evidentemente xe una quinta triestina!  (???)

 

Volessi dele galze "tubolari con el drenante"!  (??? ...antiscivolo?)

 

La cliente acculturata: "Gustibus no se discutum"!

 

Ma tessuto indemagliabile vol dir che no se vedi soto le maie?

 

Gavè lisesse de panna cotta?

www.tuttotrieste.net

Sta camisa de note xe tropo "sciancarata" (???)

 

Volessi delle "mezzecalze"  (??? ...forsi gambaletti?)

 

Zerco una vestalia che sia portabile e no impegni!

 

Gavè dele mudande dela marca Pompina? (??? ...forsi Pompea?)

 

La scolti, la me tignissi de parte stò pigiama per un do mesi cussì dopo lo pago coi saldi?

 

Gavè i completi de Renato Cavallini? (??? ...forsi Roberto Cavalli?)

 

...ma lei la stà passando per caso o la xe la commessa?

 

Stè calze ga dentro el Ivrex? (???...forsi Lurex?)

 

La me da un per de calze Philippe Morriss? (??? ...forsi Matignon?)

   (....si signora, col filtro o senza?....quando ghe vol ghe vol....)

www.tuttotrieste.net

Trovo forsi qua de voi pigiami "folpati"?

 

 

 

 

 

WOP!WEB Servizi per siti web... GRATIS!

torna su

| Home | Lista monade |