DAGHE UNA MAN A TUTTOTRIESTE
E DAGHE ANCHE QUALCHE FLICA

Se tuto el tempo che mi stago su TuttoTrieste fussi pagado, desso saria carigo de sche!

Ma mi go deciso de star su stò sito no per ciapar soldi ma solo per el gusto de sfogar el mio morbin. Mi son un impiegato publico, lavoro in tel Ministero Complicazioni Affari Semplici, per cui una paga za la go e sbisigar su internet xe un svago, un passatempo, un extra insoma.

Come podè veder za dela mia facia, mi son un tipo sgaio e nissun me la caza e sopratuto posso dir "mai avuto carie in vita mia!" come andava de moda qualche ano fa. Son bastanza una boba e de quando che son vignudo a lavorar a Trieste me son subito inamorado de stà zità e go volesto diventar triestin patoco. Cussì go trovado TuttoTrieste e me son fato una cultura. Stò sito xe talmente ben fato che desso no rivo gnanche più parlar per talian ma solo in triestin.

Quindi se anche ti te se senti un vero triestin, no te pol no molarghe un do fliche a TuttoTrieste.net, perchè, come che disevo prima, qua no semo per far soldi ma in tuti i casi ne piasi el SPRIZ e el SPRIZ costa e se te vol beverlo bisogna pagarlo. Inoltre con qualche spriz in corpo vien più fazile fora el morbin che da valor a la nostra zità.

Insoma: no far la caìa! Mola qualche flica o lassa qualche spriz pagato de qualche parte, basta che te ne lassi dito 'ndove.

Ah che boba che son!!!

Slauko Ziflovich, colaborator de TuttoTs.net