DAGHE UNA MAN A TUTTOTRIESTE
E DAGHE ANCHE QUALCHE FLICA

Zò, vardeme ben in tei oci perchè qua mi nò parlo monade!

Mi son nato, vissudo, cressudo a Altura, un rion de nagane tremende. In quela volta, parlo dei ani setanta, là no iera ancora la scola e me tocava 'ndar fin in zità co'l scolabus. De inverno, co'l iazo stè coriere no gaveva gnancehe el riscaldamento cussì rivavimo ale oto in classe tuti iazaai. Per farse coragio bevevimo un sluk de trapa prima de 'ndar ala fermata a spetar el scolabus, tanto che cressendo de un sluk semo passai a dò, tre, quatro e cussì via.

Ma un bel giorno, co iero in bareto coi muloni, una nagana come mi me ga fato veder che Max gaveva fato un sito internet 'ndove che'l meteva tute le monade in dialeto triestin. Un bel coragio che nissun quela volta ancora gaveva avudo! Cussì go deciso de darghe una man e se gavemo visto dopo qualche ano che no ciapavimo el scolabus (del resto per esser sicuri de gaver capido ben gavemo fato almeno do volte ogni classe, tanto che a sedise ani ierimo in quinta elementare).

Cussì iutando Max a butar monade serie e monade pure su TuttoTrieste, me son un poco disintossicado de osterie, osmize e bareti e desso son un bravo mulo che no se incariga più! Rendeve conto che stò sito oltre a divertir, insegnar e spiegar tante robe, iuta le persone a no bever tropo. Quindi se aprovè l'operato de TuttoTrieste, mandeghe un dò Eureti giusto per sodisfazion, cussì co se trovemo in osteria ogni "ogi oto" gavemo qualche spriz pagado, perchè dacordo che no me incarigo più ma la sede in qualche maniera devo pur calmarla!

Ciano Feraza, colaborator de TuttoTs.net