| Home | Lista monade |

 

 

Wrestling triestin con

 

Amici sportivi amanti del wrestling, tuti intenti a spetar Smackdown! e Raw ogni stimana per television, altri a vardar le sfide de la TNA, ve gavè mai inacorto che da ani a Trieste se svolgi el corrispondente torneo denominado

Smaka Zo!

Questa sera, solo per voi e grazie al spazio messo a disposizion da TuttoTrieste.net in colaborazion con la TWI (triestin wrestling imbriagation), ve daremo el resoconto del'ultimo spetacolo de

che se ga svolto al

Palatrieste, Trieste, Friuli-Venezia Giulia, Italy

(come fa i 'mericani!)

Presenta la serata, come in ogni manifestazion triestina, Daniela Ferletta e Fulvio Marion, che subito i ghe manda un saludo ai comentatori televisivi Pierpaolo Pittich e Guerrino Bernardis. Ospite de la serata Aldo Maranzina che corerà intorno al ring da quando inizia el primo incontro fin che el finissi e dopo avanti ancora per tre mesi de fila senza mai fermarse sto giro gnanche per andar in condoto. Grazie per esser intervenui numerosi a vardar i campioni de casa, ma passemo subito ai risultati:

 

Rey Fastidio vs Edy Corriera. El lotador mascherà ga avudo la meio sul sofér de le Trieste Trasporti dopo un incontro dove Rey se ga lamentà pe'l caldo che ghe fazeva la maschera, per le braghe tropo strede e per la spuza de scai che gaveva Edy. Del resto Fastidio no xe solo un nome ma anche un dato de fato.

 

GBM vs John Pranzo. El giovane rapper de caresana se ga imposto sul rico imprenditor de Mocò GBM (Gigi Bel Mio) in un No Trator Mach. Da qualche mese va avanti una dura baruffa tra i due perchè GBM sostien che John Pranzo ghe ga rubà el trator.

 

Rudy Porton vs Dede Batiston. El campion dei pesi minimomediomassimi, Davide Batista, ga conservà la zintura de campion vinzendo per la squalifica imputada a Rendy Porton, reo de geverghe tirà drio un teler che no ghe xe sfugì a l'ocio atento de l'arbitro Gigi Cordela.

 

Poverishi vs Little Show. Questo xe l'incontro che sotolinea el tenor del wrestling triestin rispeto quel american. In questo incontro dove i due lotadori più grossi de la federazion se ga sfidà senza risparmiarse colpi, ga visto montar sul ring quel disgrazià s'gionfo come un balòn de Poverishi, cugin povero del ben più noto Rikishi, contro la piria de Draga Sant'Elia, Little Show, perchè quel Big i lo ga solo che in America.

 

Ma econe al MAIN EVENT de la serata, l'incontro più ateso:

Enrico The Cul vs Tiziano Baul

Per la prima volta nela storia i ex campioni de copia (Tag Taquin Champs) i se ga sfidà per decider el novo titolo de l'ultimo zd. Chi ga vinto? Spetemo el novo zd e vederemo.

 

(un simpatico ed affettuoso saluto ai personaggi pubblici scherzosamente sopra citati)

 

Per chi no mastiga el wrestling,

ma anche per chi lo mastiga ma no ga collegà i nostri campioni domaci con quei americani,

eco qua una solta de dizionario:

Rey Fastidio

Rey Mysterio

Edy Corriera

Eddie Guerrero

GBM (Gigi Bel Mio)

JBL (John Bradshaw Layfield)

John Pranzo (el rapper de Caresana)

John Cena (il rapper di Boston)

Rudy Porton

Randy Orton

Dede Batiston

Dave Batista

Gigi Cordela

Jimmy Corderas

Poverishi

Rikishi

Little Show

Big Show

 

Massimo by www.tuttotrieste.net
settembre 2005

 

 

Ciao grande Eddie

 

 

 

| Home | Lista monade |