|
UNA MACHINA MITICA: LA YUGO (pagina, testo ed immagini di Massimo Barbo dd. 25.11.2001) Attenzione: nel mese di luglio 2002 il testo di questa pagina è stato oggetto di passaparola via mail iniziato da qualche simpatico visitatore. La pagina ha così riscosso un grossissimo successo visto il copioso divulgarsi delle mail e le successive note di apprezzamento che ho ricevuto. Grazie a tutti! Max
I fazeva la 101 (legende disi che sto nome derivi dal fato che la iera fata da 100 tochi italiani e un jugoslavo cioè l'autista) che praticamente iera una 128 ma col portelon (i le fa ancora tute due ma i le ciama Skala) e la 750 che iera una 600 ma un poco più picia e col motor con una cilindrata un poco più alta.
A Trieste, fin prima de la disgregazion de la Jugoslavia, iera sempre pien de Zastava dei aquirenti de oltre confin che se molava anche da posti vizin l'Ungheria per vignir a far la spesa qua con machine che a volte iera veri e propri ruderi. Cussì anche da noi la Zastava xe restada un mito, coi sui colori blu fastidio, rosso canon in tel'ocio, arancio mal de panza e verde ocio de soto e spesso in compagnia saltava fora la canzon che fazeva: (su le note de
"che sarà") Ma intando ridendo e scherzando la Yugo continua a vignir fora de la fabrica, anzi vardè qua come che la xe diventada ogi
Navigando in internet se pol trovar tante de quele pagine con barzelete e viz su la povera Yugo e mi le go tradote in triestin e ve le meto qua soto, per la serie cossa NO sucedi quando te frachi l'acelerator:
Cossa
ga in comun una Yugo e una Ferari? La Ferari va da 0 a 100 in 4 secondi, la Yugo va da 0 a 4 in 100 secondi
Perché le Yugo ga el lunoto termico? Per scaldarse le man in inverno quando te le sburti
Perché i proprietari de la Yugo i possi gaver un modo sicuro per tornar a casa
Come se fa a far andar veloce una Yugo? Tacandola drio un areoplan E come se la fa far andar ancora più veloce? Studando el motor
Come te fa a radopiar el valor de una Yugo? Faghe el pien de benzina, opur se la Yugo xe vecia, basta meter una confezion de un litro de late nel baul
Amortizatori
Come se ciama una Yugo che riva in zima a una salita? Miracolo !
Perché tuti i proprietari de una Yugo va in paradiso? Perché i xe za stadi in inferno
Come se ciama la Yugo con el dopio tubo de scarigo? Cariola
Che diferenza xe tra una baleta de golf e una Yugo? La baleta de golf te la pol far andar 500 metri più in avanti
El carel de la spesa xe più facile de sburtar
Che diferenza xe tra una Yugo e un testimone de Geova? Al testimone de Geova te pol sbaterghe la porta
Perché la Yugo subissi pochi dani in un incidente? Perché la magior parte dei dani li subissi el caro atrezi
Cossa i ghe da a chi compra una Yugo insieme al libreto de le istruzioni? La cartina coi percorsi e i orari dei autobus
Cossa se disi se se vedi una Yugo in cima ad una salita? - “Un miracolo !”
La Yugo ga adotado un novissimo “air-bag a pedal”: quando l’autista percepissi el pericolo de un incidente el comincia a pompar sul pedal e ghe se gonfia el balon.
Un tizio su una Yugo con aria de figo se afianca a un Ferari, el tira zo el finestrin e el ghe ziga a l'autista de la Ferari: - Ciu ti, te ga el frigobar in tela Ferari, ara che mi lo go su la mia Yugo E el tipo de la Ferari con aria de suficenza - Ovio che lo go - Ciu ti, te ga l'impianto aifai coi wufer, ara che mi go tuto in baul su la mia Yugo E el tipo del Ferarin, un poco scazzado -
Ma si che lo go, che monade. - Ciu ti te ga i sedili in pele, ara che mi li go su sta mia Yugo El tipo de la Ferari sempre più el se rompi: - Ma sicuro che go i sedili in pele. - Ciuuu e te ga la machineta per far i pop-corn, mi lo go su la mia Yugo Porca vaca el tipo no la ga. Vien el verde el tira una verta e el fuga via. Come prima roba el cori dal concessionario a farse montar la machineta per i pop-corn. Fato el lavor el comincia andar in zerca del tipo co la Yuga e gira gira tuto el giorno vien la sera e no'l lo trova. Ormai aflito el fa per tornar a casa quando per strada el vedi la Yugo in postegio coi vetri apanadi. El se avicina e el bati sui vetri ma gnente. Bati e ribati finchè el vedi che de dentro un col dito neta e varda fora e lui ghe ziga: - salve, son mi, quel de la Ferari de stamatina al semaforo, la se ricorda? Volevo dirghe che anche mi go la machineta dei pop-corn a bordo de la mia Ferari. El tipo nela Yugo cala el finestrin e el disi: - E ghe par che per sta monada la vien romperme le bale co me fazo la docia ?
TE SA ANCHE TI QUALCHE BELA SU LE YUGO O SU LE ZASTAVA ? E ALORA MANDIMELE...
... e se volè gaver notizie su la storia e i modei novi e veci de la Zastava questo xe l'unico sito in Italian che xe divantado uficialmente l' "Italian Zastava Website" per i club de Polonia, Croazia, Bosnia Erzegovina e Ungheria
... e diseme cossa che ve ne par... anche perché... lo go fato MI.
|
|
|
Tuti
a Trieste conossi la Zastava, storica machina costruida in Jugoslavia su licenza
Fiat.
Ma
un bel giorno la Zastava buta fora la Yugo, una picia utilitaria col motor de la
127 ma con una nova forma. Sta machineta xe stado un bum per quela volta e
ancora ogi se pol dir che in Istria le camina sole. Grazie a un acordo con una
nota industria automobilistica americana, sta machineta xe 'ndada fin in America
e là la xe diventada un mito come qua de noi lo xe stado la Prinz, anche grazie
al suo nome "Yugo" che in inglese vol dir "you go"
ossia "tu vai" ligà inveze al fato che sto auto NON andava.
E pensar che per l'America i ga fato anche un model cabrio.
In
confronto a le
mechine che gira in America, la Yugo iera picia, streta, scomoda, lenta, poco
sicura e la se rompeva ogni do per tre, cussì che la xe diventada el bersaglio
preferito de tanti viz e ancora ogi i americani se la ricorda come una legenda
impossibile ma vera.
Come
se ciama i passegeri de una Yugo?
Che
diferenza xe tra una Yugo e un carel de la spesa?