DALLA LONTANA AUSTRALIA

UN RICORDO AFFETTUOSO DEL CAMPIONE

GIORDANO COTTUR

Sto triestin, de sete generazioni, se ga azarda' de competer coi migliori ciclisti mondiali.

El conflito, subito dopo la separazion de la zona A e B, xe sta per questo atleta la prova piu' dura de la sua vita. (1-7-1946)

Durante le tappe del Giro d'Italia, Giordano Cottur, xe riaparso vincitor dela maia Rosso-Alabardada de la WILIER, scatando e corendo per le vie de la nostra e sua cita', con orgoglio de tuti chi che se ga messo per ore a guardar e spetar sto grande ciclista.

Su la Gazzetta Sportiva seguiva questa poesiola:

I giardini di Trieste, non hanno piu' fiori,

Le campane di Trieste, non hanno piu' suoni,

Le bandiere di Trieste, non hanno piu' palpiti,

Le labbra di Trieste, non hanno piu' baci,

Perche'….i fiori, i palpiti, i suoni, i baci, xe stadi tuti donadi al GIRO D'ITALIA.

Che Giro d'Italia…!!!

Cottur iera nato a Trieste in maggio del 1914, suo papa' gaveva l'oficina in via Udine, ma dopo ani anche in via Crispi n.8 (mio papa' iera portinaio dal 1930 al '35)

El Giro d'Italia doveva esser una manifestazion grandiosa, ma come sempre prevali l'ignoranza e un grupo de anti-taliani ga boicota' e nei pressi de Pieris, anche soto la guardia de l'Esercito Italian, qualche stupido ga comincia' a butar sassi e altri ogeti che ga fato tanti dani a piu' de qualche coridor.

Sto giro d'Italia xe resta' come el piu' disgustoso capitolo della storia sportiva, piu' de qualche nostro ciclista xe stado ferido, tanti sassi xe svolai, tanti gaveva le gome sbusade.

Ma tecnicamente, se doveva passar per Trieste, e la gente spetava de veder sto asso che la bicicleta iera tutta la sua vita.

Dopo la tapa de Pieris, el giro continuera' verso Trieste, tanti ciclisti gaveva preferi' a continuar da l'altra parte de la zona A, in quanto el raduno, doveva esser a Udine (15esima tappa).

La svolada che Cottur ga fato rivando a l'Ippodromo de Montebello, xe stada con vantagio astronomico, la polizia ga dovesto farse avanti un'altra volta per separar sto atleta da tuti i abraci  e la gente che coreva a congratularse.

El consueto mazo de fiori, el famoso giro in machina e la popolazion de Trieste, che sembrava fossi riva' el Re.

Dotori, tecnici, coreva a scoltar i sui batiti de cuor, ma tuto iera a posto, la passion iera cominciada da tenera eta', su e zo pel Carso, e tra le scampade in palestra el ritmo iera normale: 48 batiti al minuto…

Sfortunado, che za nel '46 el gaveva, 32 anni, e Coppi-Bartali xe stadi sempre avanti de lui, Giordano essendo anche scalador, el iera famoso per salite, oltre che fughe, ma el vegnera' classifica' settimo, e una cascada nel lontan '47, ma terzo nel '48, el se ritirera' a la veneranda eta' de 37 anni, ma anche nela corsa de adio de novo el rivera' terzo, dopo Coppi e Bartali.

Cottur gaveva sempre, in ogni corsa un vantagio sui migliori coridori, al 31esimo giro el ga dimostra' de esser veramente un campion sventura' , ma sempre el sfavilava con la maia ROSA, per la sua cita' ... come diseva i giornalisti AUDACE FUGA.

Dopo el ritiro, Giordano sara' sempre tra le sue amade bici, nel suo negozio de via Crispi n.8 

Maria Zanier (la gangureta)

dicembre 2001