... el PONTE DE CATTINARA

Quel che se vedi in primo pian xe, anzi iera, el vecio ponte de Catinara, ossia quel ponte che passava sora la Camionale (Statale 202) per la strada che da Cattinara porta verso Basovizza de una parte e Mocò de quel'altra. De drio se vedi el novo ponte che xe andà a sostituir quel vecio

in tuta sta zona xe un gran remitur de lavori per la costruzion de quel toco de autostrada che mancava per far tuto un de l'autostrada che finissi a Padriciano con quela che finssi soto Cattinara. El vecio ponte che xe stà butà zò, intrigava con sto progeto perché el vigniva a trovarse giusto davanti l'imbogatura de le nove GALERIE (dele quali gavemo zà tratà in un nostro precedente servizio) e cussì dopo tanti ani el xe stà tirà zò. Eco come se presentava la zona subito dopo la demolzion:

Con l'ultimazion de sto toco de autostrada ghe sarà un unico grande collegamento autostradale che dal Lisert passando per l'altipiano carsico fin Padriciano continuerà per Cattinara fin San Dorligo da dove se diramerà per proseguir de una parte fin al Molo VII e de l'altra fin Rabuiese da dove se congiungerà con l'autostrada slovena.

Massimo per TuttoTrieste.net

giugno 2006