Spesso per zità noterè che una strada xe tuto un grembano, o che la ga un bel buso in mezo, o che un tombin vien tropo in fora, o che un incrocio no xe ben segnalado o no'l ga una bona visibilità. Ma anche segnai stradai mal messi, cascadi o dimenticadi da un cantier finido, striche su l'asfalto sbiadide, mal piturade o fate in maniera de confonder l'autista inveze che de iutarlo.

 

Questo sito, nato in memoria de Cristina Angeli, tragicemante scomparsa in una fatidica strada triestina, l'ingruma, per volontà dei sui genitori, le segnalazioni de tuti quei che ritien utile colaborar, anche con foto del posto. In più un grupo de volontari zerca de sanar, come che se pol, certi disagi metendo apositi segnai regolamentari in atesa che le autorità rivi a sanar la situazion.

 

Aiutine anche ti a far cresser questo sito ma sopratuto a far si che no sucedi incidenti anche bruti spesso paradossalmente per una monada!

 

 

www.cristinaangeli.it