CARLO CARLI
(a cura de Maria Zanier)
I umori de 'na volta... quei dei nostri veci
Spiega' e parla' da un comico del tempo anda': Carlo Carli, anche lu' come Cecchelin
un grande umorista.
Cio' Toni, te
ga dito qualcossa tu moglie co' la te ga visto a brazeto con quela bionda?
No no, la ga sera' un ocio.
Meno mal.
Si, ma el mio, con un pugno.
La baba:
vergognite, sempre imbuni' de petes te son, almeno che ciaperia fogo tutte
le peteserie
El mari': magari, cussi' beveria anca vin brule'
Cio' Nando, te sa che me xe vignu' i ladri in casa?.
Cos'te me disi, cossa i te ga ruba?
I me ga luma' tuta la biancheria e l'argenteria.
Orca, roba bona, cio'!
Altro che bona, iera tuta roba de l'Hotel Vanoli.
Te sa' Nini che'l dotor me ga dito de no magnar carne, per via de la presion, sa.
Grave per ti che te inbunivi sempre de carne.
Gnente mal go za trova' el truco per ficarghela al dotor, magno fruti che contien carne.
Ma va la' , a chi te vol contarghela?
A ti e no al dotor; magno un do chili de zariese co'l vermo, e chi ga vu' ga vu'.