LE FINESTRE

riflessione poetica e romantica ...

(a cura de Marieta la Cangureta)

Fin de picia, go avu' la passion de le finestre, de tute le qualita’, tonde quadrate, colorate Gotiche, andavo dopo scola al Museo Civico, a leger la storia de l’architetura, con tutti sti bei disegni.

Le finestre, guardandole da l’interno, le xe come quadri piturai… te vedi el ciel, la luna, le stele, e anche alberi verdi che sventola  con la bavisela, quella che ghe xe solo a Trieste.

Ma mi, stavo in ultimo pian, e purtroppo soto l’abain, l’unica roba che vedevo iera el gato de siora Berta, (mascalzon) e la neve….. quanta, che non  se podeva gnanche a verzerlo , fin che rivava la primavera.

Me sentivo romantica, anche perche' semo nati in una cita' che ga tuto quel che "oci domanda": mar, coline, castei, palazi, neve e la BORA, insomma la xe una cita' da invidia  a tuto el mondo.

Ghe disevo a mia mama: se mi ghe dassi un colpo de martel a sto abain, cossa sucederia? perche'?

la me rispondeva: te vol far un ato de vandalismo?

No!……voleria che i cambi el color!

L’aministrator iera l’adorato….  da tuti  i citadini (Manlio Cecovini sn.)... una  peste, che no'l spendeva gnanche una lira per rifar quel che se doveva restaurar dopo finida la guerra.

Son andada mi… a dirghe un due: sior Caccoviz….. (fazevo  posta),  gavemo avudo tute le finestre piturade de blu in tempo de guerra e la crose de carta de scartozo, saria ora che la fazi cambiamenti!!!

Maria bela……. so che ti te ga la passion per l’architetura, me ga conta' Gigio, ma no te devi  solo studiarla, ma anche capir che a tuto ghe vol soldi……. e capitali non esisti al momento……..

Ma Maria no ga cedu', me go fato far un quadro fora de un reclam de le opere dade a quei tempi al Bastion Fiorito……. e lo go incola' davanti el porton , col la scritta 

BENVENUDI AL BASTION FIORITO DE VIA CACCIA

CON LE FINESTRE ANCORA PITURADE DE PERLIN...