un altro triestin famoso de no lassarselo sfugir
ADOLFO LEGHISSA
ricordado da tanto lontan...
da chi ga conossudo quel bravo omo che'l iera
(a cura de Maria Zanier)
(foto autografata con dedica)
Si, un altro triestin che non se devi dimenticar: Adolfo, niente a che far con quell'altro!
A quei tempi i nomi vegniva scelti ciolendoli da personagi importanti, che dava scopo alla povera plebe, pensando che almeno dal nome qualched'un diventera' famoso, e famoso el xe diventa' almeno per la nostra cita' che lui l'adorava.
Leghissa iera nato, o visto la luce come se usava dir una volta , el 10 novembre del 1875, nell'edificio de le Carceri de via Tigor, dove suo papa', un vecio contadin, el tegniva l'apalto in cusina e el provedeva per darghe de magnar ai detenuti. Lui stava con la famiglia in una sezion de la preson dove ghe iera un cancel, che lui sempre lo definiva un sbaramento inumano; questa xe stada la sua dimora per quasi 4 anni.
Scherzando el diseva sempre a tutti, anche a la muleria giovane (quei che no scoltava i consigli):
TE SON NATO IN PRESON, TE MORIRA' IN GALERA
Anche lui, come i mii noni, se gaveva acasa' in via Media (oggi via Matteotti) nella casa dei pergoli... bela strutura, mi andavo sempre con mia nonna a trovar el famoso cinesin de DIECI COCO, (espression de un povero emigrante che no saveva pronunciar el talian, el vendeva al mercato i cochi per dieci lire).
Perso la mama in tenera eta', la famiglia se ga disfado e el ga dovesto partir per el Friul e suo papa ga dovesto cambiar el lavor per poder mantenir la famigliola che iera alquanto numerosa tra fradei e sorelle.
Dopo sposa', Leghissa xe vegnu' abitar sora la gelateria de Alzetta in Bariera Vecia e mi lo go conossudo la anche perché, essendo fia de caligher, mio papa' agiustava scarpe per tutti, poveri e richi, ma per Adolfo iera diferente; gavevimo un rispeto per sto ometo, sempre vesti con decoro, pulido e sto fazoletto nero a la Mazziniana che el se mostrava proprio una persona de rispeto piu' che de un signor diventado tale con l'acquisto da la notorieta'.
Nei primi anni della sua aventura come autor el ga riva' a scriver:
El Teatro
La Fadiga de un Mortal
L'anima de Trieste a casa e fora
La Specola del Paradiso
Un triestino alla ventura
Canzonete triestine...
La storia de Piero Pomiga
La Sentinella
El mulo balota
La moglie del novo cavalier
La galina
El novo medico
La canzone sperimentale...
Leghissa iera assai ataca' a la musica, in famiglia iera tuti amanti del bel canto che iera a quei tempi l'unico spasso giornaliero, specialmente a fine giornata quando se podeva radunarse tuti in famiglia. Essendo un bravo fabbro, e lavorando bona parte de la giornata, come dito, su' la musica el gaveva modo de portar l'unione familiare.
Le sue ultime parole xe stade scritte aposta per i sui lettori,
pazientemente el fa capir che'l ga sfadiga' per el suo pan quotidian, no'l xe stado rico ma nianche povero, la richeza xe quella de gaver modestamente acquista'el benessere morale, volonta' de ferro, e gaver capì i difeti dei altri, per riformarse dei propri.
Maria Zanier