CHI LI CONOSSI MEIO DE MI ...
(a cura de Marieta "la cangureta")
quele storie che noi ricordemo con afeto e nostalgia,
semo lontani, si, ma se ricorderemo de tuto finche’ xe vita.
...ma adesso ghe xe MASSIMO, col suo bel sito de TuttoTrieste…… con i protagonisti triestini, famosi per aver contribuido, popolarmente, ma anche finanziariamente al sviluppo della nostra bela citta’.
Ma perche’ no ricordarse anche de quei povereti, quei che noi gavemo abandona’?
Me xe vegnu’ in mente de VERONICA! Chi se ricorda de ela? Povera, la dormiva sempre tra via Caccia e via Parini, sul scalin che fazeva de contro lastra alla pescheria!
Guai a chi che la disturbava…. tante volte vegniva qualche prete de via Vasari a darghe una parola de conforto……VA REMENGO TUO! la ghe zigava. Dove xe quel mona de Sindaco? dove xe quel fio de bela dona? el Vescovo? cossa el vol che ghe baso l’anel?
Tante volte l’ andava tra un istituto e l’altro (via Pascoli - via Gozzi). La ghe coreva sempre drio al Vescovo (quella volta Santin), la la gaveva con lui, no la lo podeva veder, la diseva che'l fa tuto per l’Istria e niente per Trieste! Ben! forsi non la iera po' tanto stupida, la ragionava, la risposta la la gaveva sempre pronta. (...lui iera istrian).
Nando susta?…..chi se ricorda de lui…..? Povereto el cioleva l’acqua da la fontanela de via Tommaso Luciani, se ghe se domandava l’ora…. lui saveva anche el Santo del giorno, el nome delle stele….. e i pianeti, le temperature, ecc...
E dopo ghe iera Monfalcon! Anche lui famoso stupidin de Trieste! E anche el Negus de via Molin a Vento! Mama che ridade, con Monfalcon iera de cavarse le mudande, la gente parlava forte come bota e risposta, co i lo vedeva i se metteva un de un marciapie e un de l’altro e i zigava: quala xe la stazion dopo Trieste? “ MOFALCON” l’altro rispondeva……… va remengo tuo m…a rispondeva sto povereto de Monfalcon.
El Negus? el iera scuro de carnagion, sempre vesti’ de bianco con la paieta e el baston, anche lui el mandava tuti a remengo, specialmente i muli de via Molin a Vento che i stava sentai sul mureto, i spetava che'l torni da la sua passegiada, o farse el quartin...... poveri malmenai e burladi da tuti.
Beh…. e per ultimo ? PINUCCIA … lassemo perder! Anche se nessun xe perfeto, el Triestin xe nato per cior pel c…..
Marieta la cangureta