Go riva' a ciapar un'autografo
e ogi voio dividerlo con voi tuti triestini, e spero che trovero' pochi de voi che non ghe piasi le
opere. La foto xe del 1952, esati 50 ani fa, durante la stagion de le opere
Pucciniane.Maria Zanier da l'Australia ricorda
ALDA NONI e FEDORA BARBIERI
Dela nostra triestina Alda Noni, go poca storia, so che la iera fia de l'orologiaio e negoziante de gioie in Piaza Garibaldi, tante volte noi mule ciamade le Pichiatelle de via Caccia), se presentavimo dopo le opere per rubar qualche autografo, stufe de spetar al'uscita del Verdi. Parlavimo in sordina senza che i ne senti, perche' anche coreva la vose che la iera fidanzada col tenor Giuseppe Campora.
Go riva' a ciapar un'autografo
e ogi voio dividerlo con voi tuti triestini, e spero che trovero' pochi de voi che non ghe piasi le
opere. La foto xe del 1952, esati 50 ani fa, durante la stagion de le opere
Pucciniane.
Ma de chi voio ricordarme de piu' xe la mia preferita la FEDORA BARBIERI, nata nel 1920, la mia balia suta, sempre in brazo la me gaveva, diseva papa', la cantava e la coreva zo per le scale de via Bramante, tuti se fermava fora del porton a scoltarla.
La xe diventada la Giulietta Simionato de TRIESTE. Purtropo la iera sempre in giro per l'Italia, la vegniva co la podeva a trovar i sui amici e parenti, ma de fotografie sue ne go solo nel ricordo de la sua vose de AZUCENA, e ogni tanto me meto su un disco co me ciapa la nostalgia de le opere, opere che qua in Australia le va sempre scarsegiando.