SAN SERGIO
el Santo al quale ghe dovemo el nostro simbolo:
l'alabarda
(grazie a Marieta la Cangureta)
Un grande scritor triestin, el famoso Silvio Rutteri, ga speso tutta la vita per l’arte e per la storia de le vie e piazze. Un scritor non solo capace de interpretar el significato dei nomi, ma bensì un triestin patoco, che col suo lavor ne ga regala' tante nozioni che podemo vantarse.
La storia de sta picia via de Trieste, via San Sergio apunto, che da via Madonnina va in via Toti a l'alteza de l'incrocio con via del Bosco, disi poco, me go’ sempre domanda'…. perche' tanto casin per sta viuzza cussì picola, ma non xe la via ma la storia de San Sergio che xe importante e bisogna ricordarse che el xe compatrono de San Giusto.
Nela fratelanza che univa, la Republica Veneziana con l’Istria e la Dalmazia, xe scritto:
Non xe el rosso e bianco el color de San Giusto, ma l’oro e l'azuro, no xe l’aquila a do teste figurar devi in ela, ma l'ALABARDA de SAN SERGIO
La nomina de l’aquila bifrontale, se riferiva sicuramente a l’Austria-Ungheria, che ga regna' per oltre 700 ani, ma la nostra Alabarda xe piu' vecia, la risali dal 303. A quei tempi noi parlava de Alabarde, ma la vegniva ciamada
La lancia di San Sergio
Sergio iera riva' a Trieste come tribuno militare ma nella sua vita de militar romano el ga vissu' come solda' de Cristo a l’ombra dei coli triestini, tanto che i lo ga fato ritornar a Roma perche' el iera tropo debole per rapresentar un "invia" de l’Imperator Dioclezioano.
Ma prima de partir, abandonando la sua amata Tergeste, el gaveva promesso che'l gaveria patì da martire piutosto che de dimenticarse dei sui amati triestini. E questa promessa xe stada per lui una profezia perche' morindo xe veniu’ zo dal ciel (sora el melon) quella che noi ciamemo e amemo:
l' ALABARDA
Nela sua fede, e per la sua fede, el xe stado manda' in oriente, dove per ragioni de gelosia da parte de un infimo Antiaco, el xe sta' decapitado, proprio nel momento che la veneranda tradizion de la lancia cascada dal ciel, la xe rivada a Trieste, e per tradizion, arte e tesoro de la cita' la xe nell’armadio della Basilica de San Giusto.
In Siria, dove xe sucesso sto martirio, la sua fede xe restada, un’altra cesa xe nata, la strada lastricada, che se ciamava prima xe stada cambiada col nome de Sergiopoli.
Nel periodo Austro-Ungarico, i doveva meter l'alabarda ne l'aquila bifrontale ma el nostro compatrono xe resta' in quela rossa e bianca, dove xe l'anima triestina e mai nessun ne la portera' via.
Maria Zanier (la Cangureta)