|
STEMO ALEGRI... E MAI PASSION... VIVA L'A E PO BON
|
|
Go letto in qualche posto un elenco de nomi pretamente triestine (ma anche taliani), con la remenada. Go pensà de dar un poco de beleto a 'sti nomi tanto popolari che ne ga sempre tegnù su el morale.
Ursula parusula, Menego del manego, Toni baloni Anna batana Sulle Anne e Marie ne legemo tante ste filastroche che disi cussi': Aneta spuseta, La fia del spazacamin, La ga' roto la fischeta, La ga spanto tuto el vin.
Altre variazioni: Ana batana Bati la lana, Bati la stopa, El diavolo te copa. Ana batana La forca te scana.
Questa iera un'eespression slava Ica barica, La forca che te impica. Ana de ganna De misti u cupanna De gomma, de ganna E ciama Anna.
Le povere Marie... Maria de ghia, De misti u cupia' Se ciama Maria.
Le remenade esisti sempre Maria spia Porta carne in becheria, Quel che vanza Meti in panza, Quel che resta Meti in testa.
Le Maddalene e Margherite: Madalena fa la zena La impiza la candela, La sta tenta che no brusi, Madalena stropa busi.
Questo ne porta ai tipici tempi de istriani: Margarita bela vita Poca voia de lavorar, Se te piasi la racagna, Vien te porto a racagnar... ( verbo oziare) Margarita, fate bela Col cordon, con la cordela, che te voio maridar... Margarita inamorada Inamorada de un forner Chel fa el pan che xe un piazer Chel fa el pan condì col oio Margarito no te voio.
Entra el povero Domenico: un nome non tanto comune nel'elenco dei nomi, ma anche dimenticado, come nome nostran. Menigo, del Manigo, Fame un per de manighe, Per mia sorela Meniga, Te pagherò domenega.
L'Istrian disi cussì: Menego del menego, Se ti gavessi animo, De farme un per de ghete Per me sorela Menega, Ma proprio demenega Ma propiro demenega...
Per i Toni: Toni baloni, de sete caponi, I caponi no xe fati, Toni magna gati. I gati xe senza testa, Toni ga fato festa.
I Toni xe tuti boni, Ma anche ladroni, E quei che mi go visti I xe tuti tristi, ...for a che mi.
Tra la Venezia Giulia e l'Istria, ghe xe anche el TOIO: Toio boio fa café Sula riva dei usei, I usei va a magnar, Toio boio ghe va' iutar. Toio boio el fa I cavei Sula riva dei usei, I usei va a cacar, Toio boio el va' lecar.
I povereti Giuseppi: I povereti... Bepi crepi sta nel fien, Fa la guardia a chi che vien, Se vien i su parenti, El ghe da la scova sui dentri: Se vien su la morosa El ghe da una bela rosa.
Eco el nome de Nicolò ossia Nicolin... Nicoleto, Nicolò In te le braghe si sporcò La sua mamma lo netò Oh che spusa Nicoleto, Oh che spusa Nicolò
Adesso semo coi poveri PIERI... Iera na volta Piero se volta, Casca una frassina, Piero se strassina, Casca el savon Piero va in scovasson, Casca na rosa, Piero se sposa: Casca na struza, Piero se mastruza, Casca un struzon, Piero zo del balcon: Casca el baul, Piero se grata el cul; Casca na scova, Piero se copa.
E dopo vien le remenade dei LUCA, TERESA e tuti sti povereti che coi nomi antichi e moderni ancora ogi i ne ciol pel c... Varda la! Chi? Luca che me lo zuca... Teresa va far la spesa, Se non te vol andar, Vate far impicar... Za che ti me ga trovado in rima Cia'pite un s'ciafo E zuzighe la zima...
Maria Zanier (lacangureta) |