MIO NONO PEPI

nel 1909, vegnindo de Barleta,

riva a Rovigno mio nono Pepi

co la moglie, un muleto

e una muleta

el iera forte, un vero lavorador,

el va zo al porto, vizin el Faro,

el trova un bel lavor:

el diventa palombaro

el fa un grande sacrifizio:

penseve che per poder lavorar,

a parte la paura,

nol saveva nudar!

con l'elmeto de rame

con le tre finestrele

zò el va ogni giorno sul fondo

ris'ciando la pele

e la el lavora come un can mentre

sora sula barca xe do de lori

che i ghe pompa zò l'aria

indrio man

un bel giorno però,

nissun se iera acorto,

no ghe rivava aria e

i lo tira su mezo morto

mio nono Pepi

de bravo bersaglier

li manda in malora

e el cambia mestier

penseve che la

a Rovigno

dopo un poco

me nassi mio papà

Pino Peschechera

Melbourne (Australia) 2002