EL TAIO DE CAVEI

le reazioni maschili e quele feminili davanti un novo taio de cavei

A tuti noi sarà capitado de trovarse difronte a la situazion che vado a descriver e pur tratandose de un taio de cavei sia per l'omo che per la dona, dovè considerar come el punto de vista sia totalmente diferente tra i due sessi.

www.tuttotrieste.net

VERSION BABA:

Ucia: Oh Madona! Te se ga fato i cavei! Te stà che xe una meravilia!

Gina: Te disi? Mi no iero de la stessa idea co me son vista in specio. No i te par tropo rizi?

Ucia: Ma no! No, i xe perfeti! Anche mi volevo farmeli cussì, ma penso che go un facion tropo tondo. Forsi xe meio che me li lasso cussì come che i xe.

www.tuttotrieste.net

Gina: Sul serio? Mi me par che te ga un viso stupendo. Te podessi farte senza problemi un de quei tai che va tanto de moda, te saria un bonbon. Gavevo intenzion de farmeli anche mi ma gavevo paura che me fazi el colo tropo grosso.

Ucia: Oh, varda ti, stà qua xe proprio bela! Magari mi che gavessi el colo come el tuo. Mi che tra colo e spale me par de esser un armeron.

Gina: Ma te son mata? Conosso mule che daria no so cossa per gavere un colo e un per de spale come le tue. No xe vestito che no te staghi ben. Vardime mi pitosto con sti brazi storti. Magari gaver do spale come le tue me 'ndaria in dosso qualunque roba.

Ucia: Oh, no sta farme rider! Ma se praticamente tuti i omini te cori drio. Bon scusime, ara che fazo tardi, devo proprio fugar via. Ciau!

Gina: Ciau bela! Se bechemo!

 

VERSION DEI MULI:

Ciano: Ulo! Te ieri del brivez?

Ucio: Sì.
 

www.tuttotrieste.net

Massimo - Tuttotrieste.net

aprile 2006

i nomi de le babe e dei muli riportadi in sto raconto xe puramente casuali

- tutti i nostri racconti -