|
ADDIO BRUNO (a cura de Massimo "Caustico")
I lo ga fato fora! Stamatina, 26 giugno de l'ano del Signor 2006, i crucchi ga mazado Bruno, un cocolo orso che viveva su le Alpi italiane. Qualche mese fa 'sto orso ga ben pensā de andar a far una fuga, vado a l'OktoberFest el se ga dito tra se e se, e sicome a pie la xe longa xe meio che me incamino subito. Cussė da le Alpi el xe 'ndā oltre confin, el ga passā tuta l'Austria fin che'l xe rivā in Baviera. Un poco in anticipo per l'OktoberFest ma za che son tanto val che passo qua l'estate e me vardo sto bel paese che i disi esser la tera de l'orso bruno oltre che de la Waizen e del Brezen. Povero Bruno, mai pių el gavessi pensā che i crucchi ghe gavessi da la cacia, fin esperti da la stramonaza de la Finlandia i ga ciamā, ma lui, ignaro, el se ga sconto ben e per setimane el ga passeggiā pei boschi tranquilo e beato. Le autoritā cruche ga dito che el xe pericoloso, che el fa dani per le campagne e che quindi bisogna coparlo. Mi digo: anche i hooligans inglesi xe pericolosi e i stā fazendo dani in Germania ma no per questo i ghe da la cacia, perché quindi 'sta disparitā de tratamento? A 'sto punto pretendo che i ghe spari anche a lori! Infine ogi, purtropo i cruchi ga vinto su l'orso, i bavaresi ga fato fora l'unico orso tornā in Baviera dopo oltre zento ani che el iera sparė de 'stā zona, un poco quel che ris'cia i istriani ogni volta che i torna a casa, magari solo per far ferie, solo che la inveze che i cruchi i trova i crichi! www.tuttotrieste.net E bona de Dio, qua proprio ghe vol un'esclamazion come questa, che proporio Papa Benedetto XVI, al secolo Jozef Ratzinger, bavarese de mama e de papā come se po'l intuir dal nome, ga fato come stema papale un orso bruno. Qualche timido personagio 'talian se ga interessā a Bruno e ga domandā che el venissi narcotizzado dimodochč se lo possi riportar in Italia ma purtroppo in 'sto periodo la stragrande magioranza de le persone varda la Germania pervia dei Mondiali de balon e el povero Bruno xe passā in secondo pian. Addio orseto, speremo che desso te gabi trovā quela pase e quela libertā che te son 'ndā zercar nela tua tera, dove inveze te ga trovā solo rabia e odio e anche se ogi tuti i italiani esulta per una striminzida vitoria a l'ultimo minuto fora tempo regolamentare de 11 miliardari che ghe coreva drio a un balon contro una modesta nazionale australiana, sapi che sempre qua in Italia, pių de qualche cristian ga butā una lagrima per ti! Ciao Bruno.
Massimo - Tuttotrieste.net 26 giugno 2006
|
|
|