DISCORSI TRIESTINI

inviato da Fabio Pretti

Piano del traffico
Bruce : Oramai xe più de do ani che sento parlar del piano… del trafico. Ma no se gà visto ancora niente.
Tojo : Sì, va ben! Ma cossa saria ‘sto piano.
Bruce : El piano xe un studio fato de esperti per migliorar la sco…….., come se disi…. ah sì!..la “scorezzevolezza”.. del traffico citadino.
Tojo : E, qua, a Trieste, i studia un …piano…? Con tute ‘ste strade in salita che gavemo!

Aumento della temperatura
Bruce : In ‘sti giorni no i fa altro che parlar del clima. L’Italia xe el paese dove la temperatura xe aumentada de quatro volte rispeto ai altri paesi europei, cussi almeno ne la conta Pecoraro Scagno.
Tojo : Per forza ! Con tuti quei incendi che gavemo avudo! Xe de sperar che’l …..”scagno”….. no’l ciapi fogo anca lù!!!
 

Secessione del Carso
Bruce : No passa giorno che non ghe sia un problema! Adesso xe vegnù fora la storia dei comuni del’altopian. Pensite! I vol distacarse de Trieste!
Tojo : Si. ….ma… vara che noi coremo grosi rischi. Anzi bisognassi che la protezion civile la se alertassi!
Bruce : Ma cossa centra la Protezion civile in ‘sto discorso?
Tojo : Come cossa la centra. La centra, la centra. Prova a pensar che se tuto l’altopian el se distaca, quante frane ne cascassi ‘dosso!

- tutti i nostri racconti -