Ucio a cacia de orsi...

inviado de Stef - traduzion in triestin de Max - elaorazioni fotografiche de Lorenzo

Ucio ga una grandissima passiòn per la cacia a l'orso.

Un giorno el se compra tuto quel che ocori per andar a cacia e el va in t'un bosco. El se scondi drio una frasca e el speta. Tut'in t'un salta fora un orseto, Ucio ciapa la mira, el tira un colpo e el maza l'orseto.

Contento come un fioluz el va a veder la sua preda quando el senti una zata sula spala. El se volta pian pianin e el vedi un orso bruno bastanza rabiato che ghe disi:

- "Ucio ti no te gnanche idea de coss'che te ga pena combinado, perciò te dago due possibilità: o te magno pian pianin a tochi o te se giri, te cali le braghe e te lo fraco in tel dadrio."
Ucio pensa un atimin e considerando che el ga familia e che se el mori nissun li mantien el decidi de calarse le braghe e farse ciapar de l'orso

El passa una stimana in ospedal con i postumi e co'l vien fora, incazzado nero el va subito in botega de armi e el se compra un fuzil de precision.

El torna in tel bosco e el se scondi spetando de veder l'orso bruno. El lo trova, el punta el fuzil e con un colpo seco el maza l'orso. Contento più che mai per la sua vendete, Ucio imbraga tuta la roba e el fa per tornar indrio quanto tut'in t'un el senti una grossa zata pelosa sula spala. El se gira pian pian con un strano presentimento el se trova un orso grizzly che lo fissa bastanza infastidido e che el ghe disi:

- "Ucio ti no te gnanche idea de coss'che te ga pena combinado, perciò te dago due possibilità: o te magno pian pianin a tochi o te se giri, te cali le braghe e te lo fraco in tel dadrio."
Ucio pensa... pensa... e po' el decidi de calarse le braghe anca 'stò giro perchè in fin dei conti dopo gaver subido le brame de l'orso za per una volta, el dovessi esser un fiatin 'bituato ma....... come conseguenza el se cuca tre stimane in ospedal più una de riabilitazion.

Ucio vien fora de l'ospedal e anche 'stò giro el va torna in bosco per vendicarse ma stà volta el se porta drio un bazuca. Coi oci rossi de sangue per el nervoso, el se scondi drio el solito frasco e el speta el grizzly. Pena che'l lo vedi el mola un colpo e'l lo fa in polvere.

Fato el lavor, orgolioso e sodisfato per la sua vendeta, el ingruma le sue straze per tornar indrio quando, denovo, ancora una volta, el senti una grossa zata palosa che lo ciapa per la spala. No'l riva a crederghe, el se volta e 'stà vola un orso gigantesco lo fissa e el ghe disi:

"Ucio, dime la verità: ti no te vien caciar...! Xe Vero?"

- tutti i nostri racconti -