Fioi mas'ci: l'orgoglio dei papà

Quatro amici i se ritrova dopo tanti ani.
I taca parlar del più e del meno e, intanto che un de lori el va a cior de bever, i altri comincia a parlar dei sui fioi.

El primo dei tre el disi: 'Son proprio sai orgoglioso de mio fio. El ga comincià a lavorar come bubez de un marangon e intanto el fazeva le serali, el ga ciapà el diploma e in pochi ani el xe diventà diretor de una grossa industria del legno. Ogi el xe presidente de la compagnia e el xe diventà cussì rico de regalarghe a un suo amico che fazeva i ani gnentemeno che una Mercedes superlusso'.
 

A stò punto el secondo el disi: 'Anche mi son sai contento de mio fio. El ga comincià lavorando come stjuart su un rioplan intanto che'l studiava per pilota. Dopo, con altri soci, el ga fondà una compagnia aerea e desso el ga cussì tanta pila che, pensè, pe'l compleano de un suo amico el ghe ga regalà gnentemeno che un bimotor Cessna'.

El terzo, che no xe de meno, el conta: 'No posso contarve che giora che xe per mi mio fio! El ga studià ingegneria, el ga verto una dita de costruzioni el ga fato su tanti de quei miliardi che, penseve, per la festa de un suo amico el ghe ga regalà un vilon de milezinquezento metri quadrati'.

Intanto el quarto, che iera 'ndà a cior de bever, el torna e el ghe domanda ai altri tre de cossa che i stava parlando e alora i tre ghe domanda cossa che xe de suo fio.
'Mio fio xe un gigolò per gay. El se guadagna de viver cussì'.
E i tre amici: 'Povero, che disgrazia!'
'Ma che disgrazia mai, a chi ghe buta meio de lui che, penseve, sto ano pe'l suo compleano tre culatoni sui clienti ghe ga regalado una Mercedes, un aereo privato e un vilon de milezinquezento metri quadrati!!! ... E i vostri fioi inveze, cossa i fa?!?'

- tutti i nostri racconti -