- tutti i nostri racconti -



 




La traversa de nona


la più grande invenzion de la storia

 



 


 

El scopo de la traversa de nona iera quel de coverzer i vestiti de soto per no sporcarli ma, oltre a questo, la traversa de nona.....:


- Serviva come guanto per guantar la farsora de boio;
- Iera ottima per sugar le lagrime dei fioi e, certe volte, per netar i museti sporchi;
- Co la tornava de la caponera, la traversa serviva per portar i ovi e qualche volta anche i pulisini;

- Quando rivava ospiti, la traversa serviva per far sconder i fioi timidi;
- Quando fazeva fredo, la nona se involtizava i brazi in tela traversa che iera anche doprada per far aria sul fogo del fogoler;
- Iera con la traversa che se portava le patate e i legni per far fogo e se la tornava de l'orto, la nona doprava la traversa per portar ogni sorta de verdura e de fruto;

- Se rivava gente de improviso, la nona iera svelta con la traversa per dar una passada a la polvere e a le fregole;
- Co iera ora de magnar, le none ciamava a raduno la famiglia scassando la traversa per farse veder anche de chi che iera più lontan;
- Co iera pronta la torta o la pinza, la nona doprva la traversa sia per ciorla che per pozarla su la tavola;


Un indumento cussì semplice xe in vertià una de le più grandi invenzioni de la storia che nissun stilista de moda riverà mai a eguagliar!

 

 

- tutti i nostri racconti -