|
Trieste regina in qualità della vita
Su "Il Sole 24 Ore" di lunedì 21 dicembre 2009 è stata pubblicata l'annuale classifica delle province italiane e quest'anno dopo quattro anni la nostra Trieste ritorna sul podio risultando la migliore per qualità della vita.
Si ma stò giro vardemo ben tute le pagine del giornal e tute le classifiche perchè son curioso de capir in che maniera Trieste gabi becado el primo posto. Premesso che in tuti i casi semo sempre contenti perchè qualunque classifica se vardi in tel giornal Udine xe sempre più indrio de Trieste, zerchemo de analizzar cossa xe nato. In efeti vardando le classifiche particolari se vedi subito che Trieste no xe proprio splendida in tuto e per tuto, tanto che presempio semo un poco carenti per quel che riguarda l'ordine publico e semo al 44esimo posto per la tranquilità. In pratica el primo posto i ne lo da probabilmente perchè semo la meno pezo de le zità italiane. E no se pol gnanche dir che stà autorevole analisi no sia veritiera visto che la conferma che Trieste xe la zità del "no se pol" essndo a l'utlimo posto dela classifica de le zità con spirito de iniziativa. Gnente de più vero! Del resto un dubio che qualche capela in sta analisi ghe sia vien fora dal titolon che podè veder qua avanti:
In 'sta analisi i disi che Trieste xe la prima zità in Italia per la consistenza dei depositi bancari superando adiritura Milano.... mah... o mi son anomalo o i se ga sbalià! Va ben dei, no stemo sempre a lamentarse, zerchemo de veder stà classifica con ocio costrutivo e spirito de colaborazion, zerchemo de miliorar quei punti dove semo scarsi e zerchè anche voi che legè de far qualcossa perchè no posso far tuto mi! Inoltre volessi partecipar ativamente ala classifica dei "conti corenti pieni" quindi se qualchedun vol darme una man che me mandi una mail e mi ghe fornisso el mio IBAN pervia che el giri un poca de pila sul mio conto. gennaio 2010
guarda qua i comenti ai servizi de "il Sole 24 Ore"
|
