Clima 2006 ... no se capissi più gnente...!!!

Siccità, arsura, caldo, fredo, iazo, bora.... tuti termini che se associa a una stagion pitosto che a quel'altra ma mai come el 2006 xe sta un casin cussì.

L'ano xe iniziado con una zima che no se sentiva de ani. Oltre meno diese gradi anche in zità tra genaio e febraio e sicome apunto una roba del genere no se verificava de ani, la ente, pur patindo fredo iera contenta e la ga comincià pensar che forsi forsi el mondo se stava sistemando.Ah si el strano doveva ancora venir... e che strano!

Se l'estate 2005 la ricorderemo per el fredo, l'estate 2006 la ricorderemo per tuta quela piova che xe cascada: in luglio xe stai più i giorni de piova che quei de sol, in agosto xe andà un poco meio anche se el giorno de feragosto ga piovù.

Da setembre in poi inveze, el tempo sembra esserse fermado assestandose su una temperatura media che oscilla tra i 10 e i 15 gradi, con picchi de 18-19 e rare giornate con calade a 5 gradi. I giorni de bora se conta sui diti de una man a vantagio de giornate de caligo, grigior, tempo mufo insoma. E cusì vanti anche tuto genaio 2007.... mah, speremo ben!

VIVA LA BORA!

SI, MA DOVE TE SON?

Massimo

febbraio 2007