Anatra in fuga...

Ciapèla ciapèla, se rivè, xe un'anatra in fuga in zona Cavana.

Ne ga parlado anche i giornai de stà povera anitra in zerca de libertà. La ga fato tribolar tuti quei che ga zercà de ciaparla, anzi nel suo caso saria meio dir de "becarla". El nostro inviato speciale Maureto ga rivà avicinarla e farghe una picia intervista:

Maureto: La me scusi siora anitra, de chi la scampa?

Anitra: de tuti sti mati che vol zucarme la coda per pò meterme in pignata!

Maureto: Ma cossa la stà zercando de preciso?

Anitra: Zerco el mio amico, el MercaDindio, la sa dirme dove che lo posso trovar?

Maureto: basta che la compri El Meridiano o che la vadi su TuttoTrieste.net

Anitra: grazie Maureto, vado subito

Maureto: No, no, la speti un atimin, la me disi un dò robe su de lei, per esempio qual film xe el suo preferito?

Anitra: Galine in fuga

Maureto: ...e l'ator che ghe piasi de più?

Anitra: Paul Astro

Maureto: ... e la canzon?

Anitra: el balo del qua qua

Maureto: un'ultima domanda e po' la lasso in pase: ma lei de preciso dove la abita?

Anitra; QUA!

Testo de Massimo, foto de Maureto

giugno 2008