ZOGATOLI TRIESTINI E ZOGATOLI FURLANI

ghe xe zogatoli e zogatoli...

San Nicolò, Nadal, Bona Man, Befana, tute ricorenze che ne porta a farghe regali a le persone che ghe tignimo e chi più dei fioi xe i destinatari de un presente? Cussì girando per tute le botteghe no se trova altro che zogatoli de tuti i tipi, dai pupi e le bambole a le sofisticatissime machinine radiocomandate e le pupe che parla, camina, ronchiza, sbrodola e sopratuto che se infastidissi se no te ghe da el biberon giusto! I zogatoli xe più o meno sempre i stessi in tute le botteghe che un va, cambia i prezi come normale chi li ga più cari e chi meno, ma una roba me ga lassà de stuco co son andà per le boteghe del Friul perchè la i ga zogatoli che in tele botteghe de Trieste no se trova! Adesso mi no voleria far dela facile ironia ma come mai in Furlania i ga tratori, bestie, stale, cari de fien e panoce finte che in tele nostre botteghe no xe? Mah!

Max - dicembre 2009