El Mercadindio de TuttoTrieste.net

 




A Trieste, in pien Carso, VENDO prestigiosa strutura turistica, nova, atrezada e aredada. Atività za aviada con piscina, disco-bar, bungalow e zona solarium oltre a vasti spazi verdi in ombra. Bisogna solo comprar le sdraie e i ombreloni per el resto no manca niente. Astenerse curiosi e perditempo.






Vendo aviada e riditizia lavanderia in zona traficada nel pien del movimento. Machinari moderni de ultima generazione, perfetamente funzionanti, revisionadi e messi a punto da tecnici specializadi.




Cedo aviada azienda de traslochi, ampio portafolio clienti e potente furgon pena revisionado e taliandado, gome nove, oio e livei a posto. Vendo anche co'l pien de benzina.

Telefonar Mario de via Locchi Tras.


 



Vendo ombra de campanil in sacheti de un chilo, corente sfusa in baratoli (ciolta in coperativa e mai usada), bulini de piompo per far lavori su ferazza, cassa de bira union rossa tignuda soto el sol (roba professionale,solo per muradori con esperienza) e sacheto de s'cinche coi cantoni smussadi.
Ciamar "Lavori Edili Colafiaca



Causa cessazion atività per improviso trasloco in zona Coroneo, importante dita internazionale vendi a modico prezo i seguenti ordegni:
- 4 mitragliatori usadi perfetamente funzionanti calibro 7.76
- 10 pistole usade Magnum 44 perfetamente cromade
- 12 bombe a man ananas + altre 2 grandi come zuche inveze

- 8 cassete de balini per lupara (novi)
- 1 fionda + balestra stile Rambo in omagio

- 10 passamontagna neri + 20 calze de baba trasparenti in omagio, usade bastanza ma in otime condizioni
- 4 borsoni strausadi ma intieri e resistenti a grossi carichi de contanti
- 12 cortelazi ancora sporchi de... usura
- 7 bastoni duri model "te spaco le gambete"
- 1 manuale de cativeria + opuscolo "il depistagio fazile"

- 1 Alfa Romeo de 800.000 km in OMAGGIO color verde rapina, motor in ..... stato, gome ancora bone, interni in scaj marronzin e tapedini in juta do Brasil, indispensabile per lavori in grande stile


- e ancora trapani, ciave inglesi, demolitori, esplosivo, cazavide, saldadori, fiameossidriche, piedeporco, tuta roba usada meno l'esplosivo oviamente, ma in otime condizioni.
www.tuttotrieste.net/mercadindiocontattar Sig. Ioso Maf al n. 112113118
 

 

 

 


| torna su | home Mercadindio | |



"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin per TuttoTrieste.net

Tutti i diritti riservati - All rights reserved

 

Credits

Massimo Barbo

Alessandro Bonin

Romano Bostjan