El Mercadindio de TuttoTrieste.net



 


 

 



Per veri appassionadi, vendo stupenda moto de croos, sempre tignuda in ordine, nel verde e nell'aria fresca. Sella pena rifatta, tuto el resto xe tochi originali.

Doprada poco.

No curiosi, no perditempo




Ideale per l'estate, vendo vespon ecologico, consuma poco e el stà in pie senza cavaleto. Go pena cambià le gome, el sedil e el motor, e go instalado l'antifurto. El ga l'aria condizionata e tanta, tanta, tanta erba che formi me son fumado mi!

Telefonar dale 2 a le 2 e un quarto.


 

Vero afar: vendo motorin usado pochissimo e sempre tignudo in garaz, ideale per el trafico in zità e sopratuto pratico pe’l postegio. Te lo pol meter ‘ndove che te vol senza ris’ciar de ciapar la multa come che ghe sucedi anche ai più importanti e ilustri personagi triestini co i se meti sule striche. No’l inquina e no’l sporca, no’l consuma gnente ma la vera possibilità de no ciapar multe xe el suo punto de massima forza. Vardè mi che lo vendo, xe de vinti ani che lo go molà in boscheto e nissun me ga da mai la multa! Telefonar Ciano Feraza.

 

 


 

 

Se te zerchi un motorin pratico, che costi poco, che se movi agile in mezo al trafico, che sia sicuro, noi gavemo quel che fa per ti! Con stò motorin xe praticamente impossibile ribaltarse, te pol incarigar le borse dela spesa dedrio e anche la cheba col canarin. Importado diretamente dal Tajikisthan te lo pol trovar de noi praticemente come novo, el ga solo dozentozinquantamila chilometri, riode quasi lisse e motor che spandi un fiatin de oio. Telefonine subito! Koper Tony


 

 

Fachiro de Coloncovez vendi motorin doprado. Elaborado per rilassarse durante la guida xe un tocasan per chi ga mal de schena e sofri de maroidi. I acessori xe stadi importai diretamente de l’India, grazie al selin model “ociochesponzi” se ga un massagio rilassante durante la guida sopratuto co se ciapa i busi per tera o se va per le clanze.
Telefonar a Salam Hel Panzon


 


 

 

Scooter del novantaoto, color bordò, gome un poco lisse ma con perfeta tenuta de strada, marmita rumorosa ma a norma per l’inquinamento, freni a scarpa, pena revisionado, sempre tignudo in garaz, el xe talmente bel che me son afezionado e no rivo venderlo tuto in una volta ma solo a  tochi

VERO AFFAR=>

Telefonar Biaggi Max, ore pasti


 

www.tuttotrieste.net/mercadindio

originale Bravo della Piaggio del 1978, come novo, usado pochissimo, riode nove, motor in perfete condizioni, vernize splendida, xe solo de comprar un cavaleto novo perchè no'l stà più in pie de solo.

Contatar Rossi Valentino


 

 

 


 


| torna su | home Mercadindio |



"El MercaDindio" è un copyright di TuttoTrieste.net di Massimo Barbo

Il disegno del MercaDindio è stato realizzato da Alessandro Bonin per TuttoTrieste.net

Tutti i diritti riservati - All rights reserved