La MercaDindio Traporti organiza escursioni maritime a caval de un sardon barcolan, noto anche come “pesse azuro” (in tela foto). La gita prevedi el ritrovo in Molo Balota e giro pe’l golfo passando pe'l Pedocin, la del feroviario, pineta, Cedas, topolini, California, bivio, Stico e indrio in Sacheta. Xe prevista, in esclusiva pei clienti del Dindio, una visita gratuita a casa dela megatera Ucia, conossuda purtropo anche come Boby, che la ne ofrirà a tuti un piato de spagheti al scoio. Per poder montar a bordo del pesse azuro, bia portarse drio la muta (quela de sub no quela che no parla!), maschera (sempre de sub no quela de carneval o quela co le piumete per i club privè!) opur va ben anche i ocialeti de nuoto, e al posto dele bombole due dopi de malvasia o refosco a sielta. Per informazioni telefoneghe al Dindio quando che volè, el ve rispondi sempre!