NINETA LA MUSSOLERA

Le vie torno S.Giacomo gaveva dei careti,
dove i vendeva mussoli, sempre rente i spaceti.

Fumava la caldiera con bon odor de mar,
e tuti se fermava i mussoli a magnar.

Scaldadi soto el saco finchè no i se verzeva
e subito nel piato Nineta li meteva

I mati velocissimi de gusto i li magnava,
sciopava le bisighe, spesso i se sbrodolava.

Svelta siora Nineta la straza ghe passava
tanto, la ghe diseva, che l'acqua no maciava

I piati iera bianchi, de smalto vernizai
però mi me ricordo che i iera 'assai macai !

Però no se badava se i iera ben lavai
nissun iera mai morto per mussoli inquinai !

Dopo svelti i coreva do quarti tracanar
per sconderghe ala baba quel bon odor de mar

No esisti più i careti, sparidi xe i odori
adesso xe Mac' Donald che vol magnarne i bori

Iera sai meo i mussoli, scotai soto la straza
adesso i ne invelena, magnando muca pazza !!!

TULLIO PICCINI   

Trieste