EL PRIMO BAGNO

Noi triestini che vivi rente al mar

la prima roba che imparemo xe saver nudar.

I fioi de pici al bagno i vien portai

e po' con un sburton incoragiai.

A mi me xe tocado a zinque ani

insieme con tre muli materani.

Andavimo a zogar in Ponterosso

saltando su le barche a più non posso.

Quel bruto giorno go proprio riscià

sbagliando un salto de morir negà.

Mi iero picio per saver nudar

le barche se ga mosso, e son cascado in mar !

Mio fradel me zigava: sbati i brazi !!

ma fermi i me guardava sti paiazi.

Gavevo zà bevù do sorsi bei

che i xe rivai guantarme pei cavei.

Fora i me gà zucado slavazà

però a mie spese zerto gò imparà.

Chi con le barche vol andar zogar

i devi almeno ben saver nudar !

I fioi de pici fa tante stupidagini

oggi no xe pericolo, i resta a gala sù le mucilagini.

  TULLIO PICCINI   

Trieste, 20.02.2001