alteraziòn

febre legera, febreta (me sentivo poco ben, gavevo un poca de alteraziòn... questa xe la scusa più semplice e eficace per ogni roba, per no studiar, per no 'ndar lavorar, per no incontrare con chi no se ga voia de veder)

amolo

tipo de prugna

angusigolo

tipo de pesse (in italian "aguglia")

apalto

tabachin

apoteca

farmacia

àpis

matita

arente / rente

vizin

armelin

albicoca

articioco

carciofo

baba

dona, specialmente quele che ciacola tanto

bacuco

persona vecia e insempiada   (famoso el termine "vecio bacuco" = vecio insempià)

bagolar

andar a zonzo, andar in giro senza meta

bala

stato euforico de l'imbriago, co'l zervel che galegia beatamente in tel petès

ciapar la bala: imbriagarse con cossiensa

balador

pergolo

bamberle

stupido, sempio, ingenuoto

baredo

teren abandonado a se stesso, incolto e pien de sterpi (co una roba xe abandonada a se stessa e quindi in disordine se usa dir  "xe tuto un baredo")

bartuela 

cardine (te salta le bartuele co te va fora co i copi)

bambàso

ovata, bambagia

basabanchi

cesoto, bigoto, quel che xe sempre in cesa a pregar (o a far finta). El ciapa questo nome per el tipico modo de star in cesa cucià sul banco quasi a basarlo

batocio

batachio de la porta o quel de la campana

bavisela

vento legero

bechèr

macelaio

befèl

ordine, comando (sopratuto in segno de amonimento tipo romanzina)

biava

avena (ma noi ogi lo usemo solo per dir "lignade"; far biava o darse biava = bastonarse)

bibiez / bibiezo

lavor longo e complicado e magari anche un poco rognoso

bic'

un pochetìn, un goceto

bieco

pezeta

anche i veci soldi de carta vigniva ciamadi cussì

birocio

picolo calessin

blac

bitume, catrame

blec

pezza, bieco per ratopar

bobici

mais e in genere tuti i grani dei cereal

borela

bocia

brenta

botte ma anche fortuna (te ga un cul come una brenta)

britola

cortelin, temperin

brivez

barbier

bubez

aprendista, aiutante, garzòn (quel che fa tuto al servizio de un sora de lui)

buganze

geloni

buiol

pignatel per boir (el buiol del late)

buligar

el rumor che fa la panza co un ga fame o xe ben che sazio

buzarar

imbroiar

cacabus

scarto o argila

cagafiasche

chi che ga el cul basso

cagamiracoli 

chi che ghe piasi far el prezioso

cagarabia

chi che se rabia per ogni roba e/o che ga sempre el muso

cagoia

lumaca

caìa

tirchio, strento, avaro

caìcio

tipo de barcheta picia

caiser

"duro" (el xe duro come el caiser)

opur "senza valor" (no'l val un caiser)

opur anche quel panin tondo che ogi ciamemo "roseta"

o anche un modo bruto per dir  "fioluz"

calafatà

operaio specializado nel rivestimento interno dei scafi de le navi

calighèr

calzolaio (v. anche suster )

calìgo

nebia

usado anche per dir de una roba dificile, dificoltosa (sul lavor iera caligo ma gavemo rivà finir losteso)

calumar

calàr, sbasar

camoma

fune

usado per dier de una persona straca e lenta

canapè

divano

caponera

leteralmente xe el polaio, ma se usa anche per dir de una casa fatiscente

carega

sedia (termine che tutti conosi ma pochi 'dopra)

chez (dar el chez)

mandar via in malomodo, licenziar (el me ga da el chez)

chifel

panin longo a forma de mezaluna, corneto

chilarsela

ciaparsela comoda tanto de tirar su el chilo

ciapar

ciapar vol dir ciapar ma savevi che deriva dal cappio ? Si dai el cappio de la corda per impicarse !

cicara/cichera

scudeleta

cicheto

bicerin de qualcosa de alcolico (un cicheto de bira)

ciompo

che funziona mal

anche per persona impedida

cistar

rubar

cisto

senza soldi, senza pila, deriva dal slavo "neto" per dir che un xe neto, senza un bel

chibizar

cucar, curiosar, sbirciar

clabuc

capel

clanfa

fero de caval

anche pie o scarpa o impronta grossa

genericamente anche un fero de scasso come el pie de porco

clanfer

bandaio

clanz

stradisela de campagna

clinz / klinz

binbin

no te capissi un kinz e no'l fa un klinz credo no gabi bisogno de spiegazioni

clonzi

scarpaze grosse e brute

cluca

maniglia

cocal

gabian

cocòn

quel modo de ingrumar i cavei che usa far certe babe (=chignòn o crocchio)

cogolo

sasso

cogoma

casalingo per far el cafè, cafetiera

coionar / cojonar

cior pe'l fioco

coltrine

tende

comato

quel colar per cavai e mussi (essendo quel colar duro, se disi co una roba xe dura o co un xe imbriago, che "el xe duro come un comato")

anche el colo del capoto

combinè

sotoveste per babe

comio

gomitom l'articolazion tra el brazo e l'ombrela, là dove che tradizionalmente se ciapa spesso no se capissi ben cossa (ciaparsela in comio come dir ciaparselo in tel cul)

compjuter

(neologismo) computer

conzado

sistemado o anche condido

conzàr

sistemar o anche condir

ma sopratuto conzàr qualchedun e magari conzarlo per le feste saria darghele de santa ragiòn

conzalastre

vetraio, ma famoso una volta iera quel conzalastre che vigniva anche ciamado l'impiza-distuda-ferai che con un manigo longo de sera impizava i ferai e la matina li distudava, dovendo prima verzer la portela de vetro e dopo serarla e tuto con stò manigo longo. Famosa la canzon del conzalastre che fa:

el conzalastre, caldiere farsore, impiza e distuda ferai (veloce)

el conzalastre, caldiere caldiere farsore, impiza e distuda, impiza e distuda ferai (lento)

copìn

la parte dadrio del colo o del coleto, per dove che la gata ciapa i gatini e i cristiani ciapa l'ospite indesiderà vanti de ciaparlo a piade 'ntel cul

copo

tegola

corame

cuoio

crachi

garete

arti (gambe e brazi); famose le frasi:
distirar i crachi =  andar a dormir
e tirar i crachi = morir

cragna

sporco nero

crazola

iera quel che in italian se ciamava raganella, overo un ordegno per far casin, un afar de legno con un manigo che terminava in t'una specie de ingranagio e un listel che bateva sui denti de sto ultimo come che te lo fazevi girar. Po', un poco per via del tipico rumor e un poco pervia de l'incerteza del funzionamento, el termine xe passado a indicar i auti scassai

crepi

piati

crodiga

pele de porco che se meti nela minestra

ghe se disi crodiga anche a una persona poco onesta

crozole

sandali de legno

ogi se disi crozole per indicar un per de scarpe grosse, toze, pesanti, ingombrandi, scarponi de contadinaz

cruco

tedesco

cruziar

tormentar qualchedun

opur preocupar (no farme cruziar)

cruziarse

preocuparse (cruziarse l'anima = preocuparse tanto)

cucàr

guardar, cucar

cucer

autista (v.anche sofèr o safèr)

cucherle

el spioncin de la porta

cucuruz

granturco

cudic'

diavolo

cùguluf / cugluf

tipo de panetòn col buso in mezo

daur

cul

dindio

tacchin

disfrizer

frizer

dismisiarse

sveiarse

dispicar

stacar

dura

bala, se colega con la dura triste, dura alegra e con l'agetivo duro come un scalin

erbeta / arbeta

barbabietola

falisca

scintila

farsora

padela (quela per far de magnar, no quela de l'ospedal)

feral 

fanal, lanterna

fiapo

floscio

fiepa

seme de la zuca e del melon

opur anche la patata (no el tubero però … !!!)

filovia

filobus

flaida

vestaglia, usado anche per dir de un vestito sbriso

fliche / flichete

soldi / lirete

flit

inseticida (DDT)

fogolér

dove una volta se fazeva el fogo per far de magnar e per scaldarse

formenton

mais

una volta se usava le foie de formenton come bigodini

fraier

omo libero, omo che no fa un tubo, benestante  (sicuramente dal tedesco “frei Herr”)

freschìn

spuza de pesse marzo

fritolin

rosticeria de solo pesse, ristorazion de pesse frito

frize

quel che resta de la fritura del lardo

fulminanti

fiamiferi

ganasse

guance

gargato

gargarozzo, gola

ghiribìz

capricio

gloriet

gazebo

gnampolo

semplicioto, sempioldo (in senso benevolo e afetuoso usà per i fioi) in pratica un sempio che dormi in pie

gòlas

spezatino de carne, stufato de carne

gorna

grondaia

grembano

sasso ma anche persona impedida

pl. grembani: strada dissestada (son 'nda con l'auto pei grembani)

gringola

eleganza

grua

gru

grìes

semolino

guato

tipo de pesse, in italian "ghiozzo"

imbombì

saturo de liquido, se va ben acqua ma spesso anche pezo

imborezà

ecitado entusiasticamente (de solito dura 'sai poco)

imbugnido

intasado, stropà (el cesso imbugnido o la scafa imbugnida)

incandì

poco reativo, quasi imobile (se pol esser incandidi de fredo, de un tiro in testa, de un siock, de tropo petès o semplicemente per monagine inata)

incicararse

imbriagarse

indindà

ovo fecondado de dindio

indivia

verdura come la cicoria

indormio

sonifero, anestesia

ingalà

propriamente xe l'ovo de galina fecondà dal galo

ma se usa dir che un xe ingalà co'l xe imborezado o in bala canterina

instalador

idraulico

inzumbà

v. imbombì solo riferì a robe pitosto che a persone

jazado / jazà

ghiacià

jazar

ghiaciar

iera tanto fredo che se ga jazà un muss = modo de dir per esprimer un fredo glaciale, xe infati conossuda la resistenza al fredo del muss

jazo

ghiaccio

lais

pedocio

lavandera

lavandaia (quela che fazeva la lissia)

làvarno / làverno

alloro in italian (Cesare gaveve in testa foie de làvarno)

lecherle

lechìn (dispregiativo e pezo ancora "can de lecherle")

limpida

trapa

lissia

bucato

lofio

che no servi a gnente

o falado

o bruto

o stupido, sempio

loica

tiritera, discorso longo e noioso

lola

sbornia

lole

sempio

ludame

cache de bestia usada per concime

luganiga

salsicia (probabilmente da lucania, zona dove in antichità se produseva le meio salsice)

macaco

el macaco xe un tipo de simia ma in triestin se lo usa per dir "sempio" (anche macacovez o macacovic' )

magagna

fastidio, dolor

Te son pien de magagne

malagrazia

dispeto, cativeria

opur "farghe la malagrazia" o "darghe una malagrazia" = farghe la fatura

malandrin

farabuto, furfante

mamolo / mamola

moroso / morosa

mamulo

mulòn

mandriol

magiolin (l'inseto)

famoso el ritornel "molighe el fil che'l svoli, quel mandriol peloso ..." che forsi pochi saverà xe cantado su le note dell'opera "Wien bleibt Wien"

marangòn

falegname

marcantogno

persona grande e grossa

Marco Caco

vecissimo, fora moda (anche Marco Sventola)

marmaia

tanta gentaglia, grupo de monei

marogna

scarto

matavilz

una verietà de la pianta de la valeriana, in italian "valerianella"

mela

grosso mozicon de cica, cica studada ma fumada poco 

memele

merda

mendaressa

antico mestier de la ramendatrice, sarta specializada

meza lana

un bicer de vin con mezo de nero e mezo de bianco

usado anche per indicar una persona che xe una tara, una legera

meza menola

omo picio e mingherlin

mignognole

moìne

mincionar

cior pe'l fioco

mismas

missiòt, zuf, ogi anche cocktail

mistro

mastro

mistro de fero

fabro

montura

divisa

mufo

zò de bala

musina

salvadanaio

mussato

zanzara

mussolo

molusco bivalve ( v.servizio )

persona sempliciota

se disi anche Nane Buseca

napa

la capa sora el fogoler (ogi sora la cusina economica)

se usa dir che un gà la napa quando el gà un naso grande

nonzolo

el servo del prete, sagrestàn, chiericheto

se usa dir che un xe nonzolo per indicar che el xe sempio e che el fa tute le monade che ghe se disi de far

ocagine

monagine, stupidità

oieto

radiceto de primo taio, picio picio

ombolo

lombo

orbitolo

serpentel (in italian "orbettino")

orzar

bastonar, rochetar, imbiavar

i dò ossi che spunta lateralmente fora del'articolazion tra el pìe e el porconamento più orendo ogni volta che se ghe ciapa un tiro sora [malleolo].

Secondo altri A.A. saria inveze el osso anteriore e inferiore dela gamba, che per percussion produsi anche lu espressioni colorite e interessanti anche se scarsamente adate ale caste rece dei fioi [tibia].

osmiza

osteria de campagna

otavo

tipico bicer dove se servi el vin sfuso (da 1/8)

pagnerol

passero

paiola

forrofa

palesar

contar, racontar

pantalena

picio molusco che se taca sui scoi, col guscio a forma de piatel

papussa / papuza

sost.: zavata

verbo: va via ! (imperativo)

pardesus

soprabito

pareciar

aparechiar

patacòn

grossa moneda, grossa pataca senza valor

patàf 

sberla

patoc / potoc

rigagnolo, fiumisel

pec / pek

panetier

perlina

scaldaacqua per la cusìna

pesterna

bambinaia

petès

bibita alcolica ma scadente

petessòn / petessèr

un che ghe piasi bever tanto alcol, bevandela

pezòto

vestito scadente

picapiere

scalpelin ( v.servizio )

pimpinela

coccinela ma anche per persona insulsa

piria

imbuto

se usa dir che un xe una piria quando el bevi tanto, sopratuto alcol)

pirola

pilola, pastiglia

pirulik

picio tapeto, tipo quel per serar la camera d'aria de la bici

pisdrul / pizdrul

termine afetuoso per dir muleto picio, bambineto

pitèr

vaso per fiori e piante

pitima

chi se buta zo facile o chi taza l'anima 

plafòn

sofito, teto

plis

felpa

ploc'

pozanghera o poza de acqua e fango

pluzer / plutzer /pfluzer

borsa de l'acqua calda

puina

ricota

pulto

pulpito o scrivania

quartier

apartamento

rafa

sporco, sporcizia

ranfàr / rafar

grampàr, rubàr

ranglò / ronglò

tipo de susina, prugna

raspàr

levigar ma anche rubar

ratapalz

randel

remenela

persona che ghe 'sai piasi cior in giro, che ghe piasi remenar

remitur

confusion, situazion de gran casin o posto con gran casin

vien dal francese "demi tur" che iera un comando ai soldai che con tute le sciabole a agegi vari che i gaveva indosso te pol ben capir che casin i fazeva dovendo far mezo giro su se stessi.

ribaltavapori

un tipo de pesse 'sai picio, in italian "linguelle"

rochel

rocheto del fil che se usa per cusir

rodoleto

tipo un picio tramezin de prossuto, in pratica una feta de pan con una o due fette de prosudo sora

rodoleto de limpida

bicerin de trapa servì nel tipico bicer tondo de la trapa

rosignol

usignolo

rucsac / rusac / russac

zaino

saiba

rondela de fero col buso che se usa per meter soto la vida prima de strenzerla col dado

(un simpatico modo de dir xe "el se ga meso la saiba al dito" per dir "el se ga sposà")

saliscendi

ascensor

sariandola

lucertola

sanza

colina

sbafada

magnada de gusto

sbriso

trasandà

sbrodigar

pastrociar

sbrodighez

pastrocio

sbrovà

scotà

sbruma

paston de pan e teste de pesse che se buta in mar per atirar el pese

sburto

sporto de la finestra

scafa

lavandìn de la cusina, acquaio

se usa dir che un gà una scafa quando el gà una boca 'sai grande

scagòt

scagarela

scavezzà

roto, storto

schinco

stinco

bilia, baleta de circa 1cm de diametro in vetro o teracota che servi per giogar a s'cinche (a bobi). No se sa perchè ma vol dir anche bala (v.), dura (v.)

una s'cinca e un boton = un bianco e un nero

do s'cinche e un boton = un pugno de mosche

s'ciopauca

ciapìn

scroc

seradura

scufia

bareta, cufia

scuria

frusta

sghiribiz / schiribiz

pastrocio, scarabocio ma anche idea

selegato

passeroto

sèleno

sedano

sèsola

quel cuciar ampio per tirar fora de i sachi i bisi, i fasoi, ecc.

sfoio

giornal

sgarar

sbaliar

sgnanfo

persona che parla co'l naso, con vose nasale

siba

stecheto de lagno, rameto, bacheta

ogi nel parlar se usa dir "tirar una siba" per dir de un tiro 'sai forte

sifon

acqua frizante, selz

sina

rotaia

sinter

acalapiacani

(famoso el toco de la canzòn de "Teresute" che fa: "...iera el sinter de Gropada...")

sisola

giugiola

slaif 

fren
o anche roba de poco valor
o anche dona de facili costumi

slavazon

acquazon

slepa

oltre che sberla e grossa feta de qualcosa (tipo slepa de pan), significa anche spigheta

sligoviz

aquavite de prugne

slonz

quantità indistinta de roba liquida

sluc

sorso

smir

grasso

smonarse

anoiarse

sofèr / safèr

autista (v.anche cucer)

sopressar

stirar

sortir

andar fora, uscir

spacher / sparcher

cusina economica, fogolèr

spagnoleto

sigareta, cica

spetime-un-poco

zolfanei

spoianegà

disperà

spriz

vin e sifon (acqua frizante)

quasi

stagnaco

secio

stagno

che no perdi acqua, infati el stagnaco xe stagno

staufer

fero pe'l camineto

stifel

quel grande bicer per la bira a forma de stival

stifelpuzer

lustrascarpe

straco

stanco

strafanic

agegio inutile e malconcio

deriva da "extra fanicula" cioè ex voto che i impicava fora dei templi scriti su stofa che con el maltempo te pol ben imaginar come i diventava

stramazo

materasso

strambizar

far o dir strambezi, far stramberie

strauss

persona ridicola e vestida mal, persona balorda

strazacavei

in pratica xe el fruto de una pianta che in italian se ciama lappola e ghe xe sta da sto nome perchè essendo picio e spinoso el se incastra facile tra i cavei dei fioi intenti a rodolarse per le campagne

strofal

persona senza educazion

stropacui

un tipo de bacca rossa e selvadiga

stropolo

tapo

ghe se disi stropolo anche a un fio picio o a una bestiuza

stropòn

grosso tapo

strucar

fracar o intortolar finché no vien fora el liquido

anche traslà in acezion fiscale

strussiar

lavorar duro

stufadiz

persona che ste stufa 'sai facile

persona noiosa

stupini

bigodini fati de foie de panocia

subioto

fis'cioto

anche un tipo de pasta curta

suf / zuf 

missiòt de late e farina

se usa dir "te ga fato tuto un suf" per dir "te ga fato un gran casin, un misiòt"

suro

sughero

suster

calighèr, calzolaio

tabàro

capoto

far tabaro: gaver l'aspeto de malado

taiar tabari: sparlar

picatabari: picarìn

tacomaco

persona tacadiza e noiosa

opur adesivo o ceroto

opur grosso stema (tipo i tacomachi che ga i generai su la divisa)

talpòn

piopo (albero)

se disi talpòn a una persona senza grazia e con poca delicateza

tamìso

setacio

tarilis / tarliss

tela de jeans (braghe de tarlis = braghe jeans)

tazar

far a tochetini pici pici

tazar l'anima: atività squisitamente muliebre che de solito comincia subito dopo el matrimonio (e zerte volte anche un poco prima) e po' va avanti, avanti, avanti...

tira-mola

noioso andirivien

goma de mastigar, chewing-gum

tocio

sugo

tontonar

dir e ridir sempre la stesa roba

torziolo / torziolon

persona che va sempre in giro, che va sempre torzio apunto

tranvai

tram ( v.servizio )

traversa

grembiul

trench / drench

impermeabile (el vestito)

tresso

traverso

toco de legno messo de "traverso" per tignir più rigidi e driti altri due tochi paraleli ossia el tresso xe quel toco orizontale tra le gambe dela carega dove de solito se usa pozar el pìe

xe famoso el modo de dir "me xe 'ndà per tresso" quando el magnar xe 'ndà de traverso

trombini

stivai de goma per la piova

troso

sentiero de campagna

tubili

persona stupidina e vanesia nel stesso momento

tululù

sempio

tuss

inchiostro de china

ùa

uva

ugnolo

singolo

verùl

leteralmente xe el porzèl ma se lo usa per persona stupida

xe el diminutivo de viru o vèru che in ladin vol dir porco

vaneza / vanesa

aiuola o toco de tera lavorada, manegio

venderigola

boteghera de fruti e verdura ( v.servizio )

visavì

difronte

voliga

rede a saco per tirar su i pesi

zacagnà

rovinado, strapazado, sbatudo

zampìn

mancin, persona mancina

zavai

grande confusion (da qua nassi anche la parola zavaiòn)

zentinere

centinaia

zibiba

uva passa

zigala

cicala

zigalòn

che ziga sempre

opur i colori zigalòni xe i colori forti che atira l'atenziòn

zima

cima (z dura de zurlo)

zima

fredo (z dolce de zio)

zimise

simise, cimice

zinzolar

dindolar, ciondolar

zoco

toco de legno (famoso el deto "duro come un zoco")

spetinado

zurlo

cussì vigniva ciamada una volta la trotola e 'sto termine se usa anche per dir de un che xe sempio