In tela calda e afosa estate del 2010
riva a grande richieste el
Capitolo 6
la racolta de le ultime monade de Riki Malva
con tute le canzoni za viste su youtube con
tanto de video
El sesto capitolo de Riki Malva xe
praticamente una racolta de tute quele canzoni che un poco a la volta el
ga messo on-lain su youtube. El mulo no iera sai convinto de far
un zd con 'ste canzoni ma pò, viste anche le richieste dei fan, el ghe
ga pensà su e el ga considerado che metendole tute quante insieme in una
nova racolta, la zente gavessi podù farse un zd de tignir in auto o de
scoltar quando no se ga per le man un compjuter con una conession. In
pratica un giorno che no'l saveva cossa far el ga fato stò baul de zd e
el lo ga butà là e visto che el iera anche un poco imbriago, xe andà ben
che adesso se lo rivi scarigar!
Riki Malva - Capitolo 6
nr.
titolo
argomento tratà
1
su ciò alo dei
una mula bionda un poco s'ciopada
2
vaca straca
la version triestina de la canzon dei Mondiali de
balon
3
semo brusai
canta che te passa e tuto anderà ben
4
ben bon demo dei
la vendeta de una baba butada in canon
5
a trenta ani son cussì
...quando qualcossa te martela el zervel
6
me ciapa el granfo
un francesismo per spiegar che co no se pol più
no se pol più
7
ma la mare no
qualsiasi ofesa se pol acetar basta che no se
tochi la mama
8
mi go visto l'omo ragno
delirio de un s'ciopà visionario
9
te porto in barca
alegra aventura estiva in mezo al mar
10
savon sule scale
...cossa pol suceder...
"Se te vol darme del farabuto
te pol dirme anche farme de tuto
ma la mare, ma la mare, no!"
Riki Malva, un omo, un poeta afetuoso!
al
zd, come sempre, xe scarigabile gratuitamente dal sito uficiale de Riki
Malva
