I ormoni de la bira
ma la bira ga ornomi maschili o feminili?
L’altro fine stimana se discuteva de bire coi amici. Un de lori ga dito che la birra xe piena de ormoni feminili!
Dopo gaverlo ciolto pe’l cul per ‘sta monada el ne ga convinto a far le prove per capir, cussì se gavemo scolado una cassa de bira e questo, SIA BEN CHIARO, solo e esclusivamente per scopi sientifici e de ricerca. El risultato de ‘sta nostra ricerca xe sta incredibile! Difati, za dopo i primi giri, xe sucesso che:
- ierimo ingrassai;
- parlavimo un casin senza dir gnente;
- ierimo imbranai co se metevimo guidar;
- iera praticamente impossibile rivar a far un qualsiasi ragionamento;
- no volevimo mai dir de gaver torto gnanche davanti a l’evidenza;
- ognid’un de noi iera convinto de esser al centro de l’universo;
- gavevimo mal de testa e nissuna voia de guar;
- ierimo emotivamente instabili;
- se tignivimo per man;
- a coronamento de tuto, pissavimo drio man e anche tuti insieme.
A ‘sto punto me par inutile tirar avanti ‘sta esperienza: la bira ga assolutamente ormoni feminili!!!