La Madre Superiora

La Madre Superiora de un convento la se sveia tuta vispa e alegra e intanto che la se alza la pensa: “Che splendida note, Me sento un fior. Ogi go deciso che sarò bona con le povere monighele, le traterò ben e no ghe romperò i bobi!”

La incontra la prima suora:
“Bongiorno Sorela Gigia, la vedo ben, e che bel centrin co l’uncineto che la sta fazendo!”
“Grazie, Madre, lei inveze me par che la se gabi alzado de la parte sbaliada!”

A la Madre Superiora no ghe piasi per gnente el comento de la suora ma la fa finta de gnente e le va ‘vanti.
“Carissima Sorella Pina, la vedo sai sai ben ogi e che bela pianta de girani che la ga cressudo.”
“Grazie, Madre, anche lei la vedo ben, anche se pareria che la se sia alzada de la parte sbaliada”

E dò! La Badessa scomincia rabiarse e ancora de più co la incontra la terza, la quarta e la quinta suora, fina che davanti a la sesta, con el sguardo fisso la ghe domanda:
“Bongiorno Sorella Uccia, la sia sincera, ma per vero dago l’impression de esserme alzada de la parte sbaliata?”
“Si, Madre” ghe rispondi questa.
“Xe sai strano, perchè proprio ogi inveze me sento benissimo e son sai alegra.”
“Ah, no, no xe per quel, Madre, xe pe’l fato che la ga indosso i sandali de Don Serafino!