AMOR XE AMOR

el test più divertente sui raporti tra marì e moglie

Diese babe le xe in parochia a un ritiro spirituale per zercar de migliorar el raporto de copia coi rispetivi consorti.

El prete ghe domanda:
“Chi de voi ghe vol ben a suo marì?”

Tute e diese le alza la man. Alora el prete ghe domanda:
“Quando xe stada l’ultima volta che ghe gavé dito a vostro marì che ghe volé ben?”

Qualched’una ghe rispondi “ogi”, altre “ieri”, altre no se ricordava.

Alora el prete ghe disi a tute diese de mandar al proprio marì un messagio con scrito quel che lui ghe disi:

Amor mio,
te amo tanto
e son orgogliosa
de tuto quel che te fa per mi
e per la nostra belissima famiglia.
Te amo!

Più tardi el prete ghe domanda a le presenti de leger le risposte a vose alta.

Questo xe quel che le ghe ga leto una per volta:

1. Te sta ben?
2. Nooo! No dirme che te ga de novo fato un ruk con l’auto!
3. No rivo capir coss’che te vol dir con sto messagio.
4. Remengo! E desso coss’te ga fato? Ara che sto giro no te perdono!
5. Te se ga fato un canon?
6. Dime coss’che te servi che femo prima!
7. Me stago insognando o sto messagio xe pe’l nostro vicin de casa?
8. Se no te me disi per chi iera sto messagio te dago un fraco de lignade!
9. Te vol dirme che l’Unione xe falida denovo?

E la meio de tute:

10. Chi te son? No go el tuo numero registrado sul telefonin, però me piaseria conosserte, mandime una foto.